حبيبتي فتكات الجميلة ربنا يديم عليك الصحة والفرحة
ف البداية ربنا اخبرنا انه خلق من كل شيء ذكر وانثي
واكيد لكل واحد فيهم شكله وسماته ومميزاته يعني الاثنين مش ذي بعض
وربنا للي قالنا كدة برضوا ف سورة ال عمران
وليس الذكر كالأنثى ...
تمام كدة متفقين ؟؟
حبيت ف الموضوعات الجاية نتعلم مع بعض ازاي افرق بين الذكر والانثى في الخضروات والفاكهة
هنبدأ مع بعض بعض الفاصل باول فاكهة كلنا بنحبها
وركزوا معايا عشان وانتو بتشتروها تكونوا فاهمين
اول موضوع هبندا بيه البطيخ بما اننا داخلين على الصيف والبطيخ محدش يقدر يستغني عنه وكمان بصراحة عشان بحبه اوي
1_الفرق بين الذكر والانثى
انتو طبعا شايقين الفرق واضح ؟؟؟ اللي على اليمين دي شكلها زي الكورة وصغيرة دي حبيبتي الانثى وبتمتاز بطعم الحلو اللي بنحبه كلنا واللي على اليسار الطويلة دي الذكر طعمه مائي
2-ابحث عن “بقعة الحقل “
البقعة الصفراء “بقعة الحقل”، هي المكان الذي توضع منه البطيخة على الأرض، والبطيخ الناضج له بقع صفراء أو برتقالية وصفراء اللون وليست بيضاء.
اللي على اليمين برتقالية واليسار صفراء الاثين حلوين بس اللي على اليمين احلى ممتازة
يعني مانخفش من اللون ده ونقول قرعة وده مكان القاعدة من تحت مش كلها طبعا صفرا
3 -ابحث عن شريط منسوج
البقع البنية، والتي تشبه الشبكة أو الشريط تعني أن النحل لمس الأجزاء الملقحة من الزهرة عدة مرات، كلما زاد تلقيحها كلما ازدادت حلاوة الثمرة.
4-انتبهي للحجم
من الأفضل ألا تختار البطيخ الأكبر أو الأصغر وإنما الثمرة متوسطة الحجم، وسواء كانت كبيرة أو صغيرة، فإن وزن البطيخة يجب أن يشعرك بثقلها.
5-تفقد الذيل
الذيل الجاف يشير إلى أن البطيخ ناضج، وإذا كان أخضر اللون، فإنه البطيخ اقتلع مبكراً قبل أن ينضج.
_______________
ايمان البنداري
الثلاثاء مارس 16, 2021 10:45 pm
