السلام عليكم يا احلى فتوكات
كلنا بنحب المخلل جمب الاكل ومش نقدر نستغني عنه ..
وأكيد موجود في كل علبة ثلاجة
لكن بيحصل لما بنخلص عليه كله ... ف اخر المخلل ( قاع العلبة) بتلاقي بقايا المخلل قطع صغيرة اوي مش بتقدري تقدميها لحد وبتقرفي منها وكل اسرتك بيرفضها
وبالتالي مش بتستخدميها ف حاجة مفيدة وعشان كدة
بيكون مصيرها الزبالة .... 
لكن هنا ف فتكات مافيش حاجة ملهاش فايدة ولا حل
كل حاجة ولها حل
ما تستغربيش تعالي اقولك تعملي بيها ايه ...
اول حاجة جمعي بقايا المخلل في طبق
وبعدها ممكن تضيفي لها قطع ليمون خل وتوابل زي ما تحبي
ضعي المكونات كلها في الكبة او الكيتشين ماشين
ملحوظة استخدمت الليمون بقشره لأن القشر فايدته
اعلى من الليمونة نفسها
واحنا ف الايام دي محتاجين ( فيتامين سي) عشان
يقوي مناعتنا
في الاخر هيطلع ليها منتح تاني خالص محدش هيخطر ف باله ان هي دي البقايا
اللي كتيير بيقرف ياكلها جمب الاكل وبيرمها
زي الصورة كدة
خلطة ممكن تستخدميها في الطبخ و السندوتشات او الكبدة والسجق
زي ما تحبي وبالهنا والشفا
وهو ده طبقي الخاص عملته لفتكات حصري
وطلع زي الفل
فتوكتي المدبرة ما ترميش بقايا المخلل تاني
_______________
ايمان البنداري
الثلاثاء أبريل 06, 2021 3:43 pm
