هل تدرين ان اغلب اللي يستحون عند الناس يتصرفون بمنتهى الثقه رغم انهم
من داخل مرررره مستحين
علشان كذا ماتقدرين تطلعينهم من بين الناس بسهوله
.
يعني ولا مره تفاجأت لما سمعتي هذيك الفلانه تقول: “انا استحي” وتردين:
هاه مين اللي يستحي انتي؟
هذولا الخجولين فيهم ميزه
انهم تعلموا كيف يخفون خجلهم
إلى درجة اقرب قريب مايقدر يكتشفه
او مرهقه من الدوام ولا العيال.. لان ثقته بنفسها نفذت
.
وعلشان تهزمين الخجل اللي فيك
ان كان بسبب موقف
يعني بعزيمه
عرس
برزنتيشن
ان كان بسبب ناس معينه
تحاولين تثيرين اعجابهم
او تخافين ياخذون عنك انطباع
او تحافظين على صوره معينه
.
ان كان خجل عام
شي معروف عنك انك خجوله ومليتي وتبين تطلعين من هالقوقعه
.
ابدي معي هالطريقه
.
.
.
1- غيري قواعد اللعبة :
– شوفي وين ومتى بالضبط يعتريك الخجل؟
في اي موقف؟ او عند مين؟
– ثم تخيلي كل الافكار اللي تجيك بهذي المواقف.. واي فكره سلبيه
اقلبيها ايجابيه… بليزززز دراما كوين اقلبيها أشياء ايجابية
واقنعي نفسك ان بالنهاية ترا اللي قدامك انسان مثلك وحاله من حالك
.
.
.
2- لاصرتي بعزيمه وانتي ماااااااااايته حياااء وخجل.. بدل ماعيونك تلقط الجريئات
واللي يتضاحكون.. دوري اللي مثلك يستحون وخجولات ههههه بتلقين نفسك مو لحالك..
ان فيه كثيررر خجولات.. هذا بيهدي نفسك .
.
.
3- اذا كان المكان اللي رايحه له مكان اول مره تروحي له وجديد او ناس جدد.. حاولي
تعددين المزايا اللي عندهم.. هذا بيخفف اخطأك.. وبيقلل توترك.. وبيريح اعصابك..
من ان يجيك الشي سبرايز
.
.
.
4- هل انتي ممن تقولي عن نفسك
( انا خجوله؟ ) على ان بعض الناس يشوفونك لا؟
قد يكون انك ماتعاني من الخجل.. انما تعاني من القلق في بعض المواقف..
وتفسر بالخجل من قبلك!
اذا مشكلتك الحقيقيه هي القلق وليس الخجل
.
.
.
.
5- كتاب سواليف
ادري انها ضرب من الجنون
ولولا اني ماشفتها مع وحده لسانها ينقط عسل من حلاوته والناس تحب سواليفها ماصدقت..
كانت تكتب السوالف اللي تعجبها والأمثال الغريبه وقصصها والقصايد القديمه الحلوه وسوالف
الاوليين في هالدفتر وخاصه ماغير لازقه جنب هالجدات وتسجل وراهم بهالدفتر وتحفظ..
ثم تطرحها بهالمجالس.. وصارو الناس يتسابقون لمجالستها عشان هالسوالف..
بينما هي تحفظ وتكتب.. ومو عيب اللي تسويه الا ذكاء منها
.
.
.
6- الناس اللي يحبونك
اذا كان الخجل خلاك تحسين بالعزله… دوري لك ناس يحبونك.. تطوعي لمشاريع خيريه
بسيطه.. يفرحوووون بالعطاء البسيط يمكن تكسبين دعوه تفتح لك خزائن الدنيا والاخره..
ويعطيك شعور بالانتماء .
.
.
7- تقبل الازعاج
في التمثيل.. عشان يتخلص الممثلون المبتدئين من حساسيتهم في تحديق الجمهور
لهم في المسرح وش يسون فيهم؟
يخلونهم يجلسون على كراسي قدام ولا يسون اي شي
ثم يجيبون زملائهم الباقين ويخلونهم يتفرجون عليهم بصممممممت
يتفرجون يتفرجون يتفرجون يتفرجون يتفرجون
لين يوصل الممثل لأقصى مرحلة الازعاج
بعدين يبدا يسترخي
ثم يسترخي
ثم يسترخي
لين يصير مايشوف هذي العيون شي
.
وعشان تتخلصين من مثل هالخوف سولفي مع اي احد.. مع الكاشيره في السوبر
ماركت. مع البياعه في المحل.. مع اللي بجنبك في الانتظار… وهكذا
الأحد مايو 09, 2021 12:45 pm