وجبات موفرة

السلام عليكم ورحمة الله وبركاتة

اقتراحات لوجبات رخيصه  و غير مكلفة تنفع وقت الزنقات :

كيس مكرونة وكيس صلصه وكيلو بطاطس واعملى بطاطس محمرة ومكرونه :

: قرنبيطه و خضرا و 5 بيضات ونص كوب دقيق  وخيار او بطاطس محمرة او مخلل 

نص كيلو كبد وقوانص ومخلل وعش او مكرونه واحده واحده محمرة 

ب5 جنيه فول ونص كيلو طماطم ونص كيلو خيار و5 بيضات وب5 عجينه طعميه  واعملى فول بطماطم واقلى البيض واعملى عجينه الطعميه ببيضه واقليها و طرنشات خيار

 باذتنجان وفلفل وطماطم واعملى مسقعه وهاتى خيار وجرجير

كيلو بطاطس ونص كيلو طماطم واعملى صنيه بطاطس ودخليها الفرن واعملى رز بالشعريه جنبها والاتنين اعمليهم بمرقه دجاج وجنبهم مخلل :

: بطاطس مهروسه وبيض مسلوق وسلطه 

بصل وخضراء مشكلة وخمس بيضات وكوب دقيق وتوابل واعملى صنيه عجه فرنساوى فالفرن وجنبها مخلل وخيار 

: هاتى كيلو سمك مكريل واقطعى السمكه نصين واعمليها بطماطم وفلفل وتوم وتوابل السمك واحشيهم وشويه زيت على الوش وادخليهم الفرن وبالهنا والشفا مع العيش 

ربع كيلو بانيه واضربيه فالكبه ومعاه بصلتين وطماطميه صغيرة وقرن فلفل حراق وملح وفلفل وتوابل ومعلقه كبيرة بقسماط وصبعيهم كفته وادهنى صنيه ودخليهم الفرن او الاحلى بيض وبقسماط وحمريهم ومتقلقيش كميتهم هتكون كويسه لان الكميه بتضاعف وبالعيش بالهنا والشفا او مكرونه بالصلصه  

كيلو دبابيس فراخ وفصنيه بالطماطم والبصل و العيش وبالهنا والشفا 

: كرنبايه وسط وخضراء مشكله ب2 جنيه و نص كيلو رز ونص طماطم واعملى احلى حلة محشى وحطى فالميه لى هتسقيها للكرنب معلقه صلصه وتوابل وياريت بصلايه صغيرة ولوعندك حبهان وورق لورا واسقيها وعلى الوش حبه زيت وبالهنا والشفا 

نص كيلو رز وكيس مكرونه ونص طماطم وربع شعريه وحمرى بصلايه واعملى احلى كشرى لو حابه تجيبى ربع عدس ماشى وممكن من غيره اوفر 

علبه تونه مفتته ونص كيلو بطاطس تحمير وربع طماطم وربع خيار 

فطيرات من الفرن حجمهم وسط وعسل وعلبه جبنه عبور لاند وبالهنا والشفا 

: 

صنيه مكرونه بشاميل حطى عليها الجبن لى عندك من غير لحوم ووممكن تحطى كبد وقوانص او ربع كيلو بانيه وبالهنا والشفا 

كيلو الاربع رنجه وطحينه و زودى لى تحبيه ولى موجود فالبيت وبالهنا والشفا 

شكشوكه وجبنه بالطماطم وخيار 

رز بالشعريه وكيس ملوخيه بسمه ومخلل والاكل اعمليه بمرقه فراخ وحطى بصلايه صغيرة فالشوربه هتدى طعم حلو وزودى الكسبرة الناشفه فالتوم  

كيلو اجنحه فراخ وعليه بصلتين كبار طماطميتين وكيس مكرونه نئ عليهم واعمليهم زى المبكبكه 

كيلو بطاطس ربع كيلو دقيق وكوب لبن وومكن مايه مش لازم لبن خالص وملح وفلفل اسود واعملى كريب فالطاسه واحشيه بطاطس محمرة وكاتشب او طحينه او لى موجود او حطى جبنه وفلفل وزتون تغييير وممكن طبعا ربع بانيه واعمليه شاورمه واحشى الكريب وكل واحد ساندوتش شاورمه وشاندوتش بطاطس 

ربع كيلو من كل نوع خضار بتحبيه بطاطس فاصوليا خضراء جزر بسله كوسه ونص كيلو طماطم ومعلقه صلصه واعمليه كلو على بعضه زى خضار مشكل او تورلى وجنبه رز بالشعريه او رز حبه وحبه  ومخلل 

.   حوشي.    الكبد والقوانص بتاعت الفراخ و اعمليهم طبخه مع مكرونه او    .رز.  بكركم

هاتى لفه جلاش واعمليه بالخضروات اللى بتحبيها ودخليه الفرن او اعمليه بربع كيلو بانيه مرة كدة ومرة كدة زى ماتحبى  

 لو فيوم اتبقى معاكى فلوس هاتى لفه جلاش واعملى حلو او هاتى نص كيلو لبن واعملى شعريه باللبن والسكر 

وبالهنا والشفا  

راحه فين فين التعليق الجميل ربنا يسعدك