زهقتي من شكل أكياس المخدات .. طيب تعالي

السلام عليكم ورحمة الله وبركاته

أزيكم يا قمرات

فكرة النهارده جديدة وسهلة أوي ..

ممكن تزهقي من شكل اكياس المخدات
مثلاً بتاعة أوضة الأطفال
أو بتاعت أوضتك أنتي كمان .. تكون سادة وملهاش معنى
طيب تعالي دلعيها شوية

أولا: نشتري قماش منقوش بأشكال حلوة ... مش كتير ربع أو نص متر

ثانياً :

نجهز بقى عدة الشغل
مقص .. وخيط ومقياس ... إلخ

ثالثاً : نجيب ورق شفاف وقلم رصاص ونرسم أي رسمة حلوة ممكن مثلاً أرنب

رابعاً : نقص بقى القماش بتاعنا على الشكل اللي رسمناه

خامساً : نخيطه بقى على أكياس المخدات السادة اللي عندنا

سادساً : الشكل النهائي هيطلع معانا بالجمال ده

ها إيه رأيكم ؟؟؟

طبعاً .. ممكن نغير ممكن تعملي ورد وشجر أنتي ومواهبك ..
ممكن لغرفة نومك تعملي لأكياس المخدات قلوب ..
ممكن كمان لو متمكنة أوي ف الكتابة والقص تكتبي اسم زوجك أو حروف اسمكم

يعني تغييييير
يارب يكون الموضوع عجبكم يا حبايبي ..

متنسوش بقى .. من لم يشكر المخلوق لم يشكر الخالق

وياريت اشوف تقييماتكم .. وتنفيذكم كمان إن شاء الله

مع السلامة ..

في حفظ الله ورعايته