الأوسمة : 101 تاريخ التسجيل : 24/02/2011 الموقع : https://fatakat2.yoo7.com/forum
موضوع: لنجعل شعارنا في رمضان ....الطاعة أحلى السبت يوليو 30, 2011 7:25 pm
كل عام وانتم بخير
كل عام وأنتم إلى الله أقرب
كل عام وأنتم على الطاعة أدوم
أخواتي في الله
رمضان على الأبواب
والكثير من الأخوات تكلم عن رمضان وفضله وثوابه
وكلنا عارفين المغريات الدنيوية اللي فيه
بقالنا كام شهر بنشوف إعلانات عن مسلسلات رمضان وبرامج رمضان
وطبعا مشفتش إعلان واحد عن برنامج ديني أو حتى مسلسل ديني !
المهم
أكيد جربنا الجلوس أمام التلفزيون بالساعات علشان نتفرج على مسلسل خلف مسلسل
وده إللي بيعمله أغلب الناس في رمضان
وكأن شعارنا في رمضان
رمضان شهر المسلسلات
أو
رمضان شهر التليفزيون
أكيد بعضكم بيقول يا ساتر عليها
أمال هنفضل طول النهار نقرأ قرآن وبس وطول الليل صلاة وبس
نسلي صيامنا إزاي؟
واليوم طويل والحر شديد
همه مش هيبطلوا كلام في الموضوع ده
بالراحة بس شوية عليه
بالهداوة كده
أنا عايزة أسألك سؤال
إنتي جربتي الفرجه على التلفزيون وحسيتي بمتعتها
صح ولا لأه
طيب أنا عاوزة منك كده تجربة عمليه
اليوم الأول من رمضان يا ستي بس
عايزاكي تجربي تخلي أول يوم من رمضان للطاعات ومن غير مسلسلات
يعني لو متعوده تشوفي في رمضان أربع مسلسلات
كل ميعاد مسلسل قومي
إقرئي جزء قرآن
أو اذكري ربنا
أو اسمعي شريط قرآن
أو اتفرجي على برنامج ديني
أي طاعة بتحبيها
وشوفي لذة الطاعة بتكون عاملة إزاي
حاجة تانية خالص
طعم تاني وإحساس تاني
جربيه وهتحسي بفرق لذة الطاعة عن أي لذة أو متعة تانية في الدنيا
كل لذة بتزول إلا لذة الطاعة
لذة الطاعة بتديكي شعور ما يتوصفش من الراحة والطمأنينة
والسعادة
وبتنسيكي أي هم أو مشاكل
وبتديكي أحلى إحساس ممكن تحسي بيه
وبعدين يا ستي كل البرامج والمسلسلات مش هتطير هتتذاع مليون مرة على مليون قناة بعد رمضان
لكن رمضان لو ضاع مش ممكن تقدري تعوضيه
بس لازم تعرفي
كل حاجة وليها ثمنها وثمن حلاوة الإيمان موجودة في هذا الحديث
(ثلاث من كن فيه؛ وجد حلاوة الإيمان؛أن يكون الله ورسوله أحبإليه مما سواهما،وأن يحب المرء لا يحبه إلالله،وأن يكره أن يعود في الكفر، كما يكره أن يقذف فيالنار)
ركزي على الجزء ده كده " أن يكون الله ورسوله أحب إليه مما سواهما "
عاوزة إجابة فورية وسريعة
مين أحب عندك
الله ورسوله ورضاهما واغتنام فرصة رمضان لنيل المغفرة والرضوان
ولا مسلسل خايفة يضيع عليكي ؟
أسباب المغفرة كلها متجمعة في رمضان . والله – يا أختي - مافتح الله أبواب الجنان إلا من أجل أن يُدخلك فيها . والله ؛ ما غلّق الله أبوابالنيران إلا ليُبعدك عنها . ما صفّد الله مردة الشياطين إلا لتُقبلي عليه ، وعلىطاعته ، التي هي سبب رضاه ، التي هي سبب سعادتك وفلاحك .
متضيعيش الفرصة وترجعي تقولي يا ريتني عملت حاجة
"أن تقول نفس يا حسرتى على ما فرطت في جنب الله "
سؤال كمان ربنا يكتبلك الصحة وطول العمر
حد فينا ضامن يعيش رمضان السنة الجاية طبعا لأه ولا حتى رمضان ده
خلاص انوي إن رمضان ده يكون مختلف
إنوي إن رمضان ده يكون للطاعات
خلي شعارك
الطاعة أحلى
_______________
سارة سرسور يعجبه هذا الموضوع
فراولة الرتبة : آنسة متميزة
الأوسمة : 132 تاريخ التسجيل : 28/06/2011
موضوع: رد: لنجعل شعارنا في رمضان ....الطاعة أحلى الثلاثاء أغسطس 09, 2011 11:26 am
جزاك الله خيرا وبارك فيكي وجعله في ميزان حسناتك
_______________
Admin General manager
الأوسمة : 1186 تاريخ التسجيل : 13/02/2011 العمر : 22 الموقع : https://fatakat2.yoo7.com/
موضوع: رد: لنجعل شعارنا في رمضان ....الطاعة أحلى الجمعة أغسطس 12, 2011 10:57 am
ما أحلى الطاعة جزاك الله خيرا
_______________
سارة سرسور مشرفة
الأوسمة : اللهم اغفر لي وأحسن خاتمتي 2227 تاريخ التسجيل : 09/01/2021 العمر : 34 الموقع : مصر - الغربية الحمد لله
موضوع: رد: لنجعل شعارنا في رمضان ....الطاعة أحلى السبت يناير 23, 2021 3:10 am
_______________
جميع موضوعاتي وردودي هنا صدقة جارية لروح والدي أحمد ابن منيرة