الحلقة الثانية من مسابقة سمعتي كلام الحبيب .. طب يلا نطبقه ن كل سنة وأنتم طيبين

الحلقة الثانية

( السحور )

السلام عليكم ورحمة الله وبركاته

يا ترى أخبار الصيام إيه معاكم . البنزين بيخلص من بدري ولا كله تمام ؟
متهيألي ده مرتبط بحاجة ، عارفينها ؟

هسألكم سؤال مين فيكم اتسحر امبارح ؟ طيب اللي اتسحر اتسحر قبل ما ينام ولا قبل الفجر؟

شغل مخابرات




عارفين إن اللي يتسحر قبل الفجر يبقى عمل سنتين من سنن الرسول صلى الله عليه وسلم ؟

قال صلى الله عليه وسلم : " تسحروا فإن في السحور بركة " رواه البخاري

عارفين ايه البركة اللي كتير مستغنيين عنها ؟

خدي عندك ياستي :
1- إن الصيام يكون سهل وتفضلي نشيطة رغم الصيام .
2- زيادة الأجر والثواب باتباع السنة
3- لما تصحي للسحور قبل الفجر تقدري تذكري ربنا سبحانه وتعالى وتستغفري وتصلي وتدعي في فترة السحر ، بدل النوم في الوقت الفضيل ده .



لسه مش عايزين تتسحروا ؟

دي أول سنة ، طيب والتانية ؟

السنة الثانية هي تأخير السحور

عن أنس بن مالك أن زيد بن ثابت حدثه أنهم تسحروا مع النبي صلى الله عليه وسلم ثم قاموا إلى الصلاة قلت كم بينهما قال قدر خمسين أو ستين يعني آية رواه البخاري

وقال صلى الله عليه وسلم : " ما زالت أمتي بخير ما عجلوا الفطور وأخروا السحور " رواه البخاري



يبقى من الليلة مش هنضيع سنة السحور قبل أذان الفجر

ولا ناويين تضيعوها ؟ :3333:

هاجي أعمل فيكم كده وانتم حرين

استنوني بكرة إن شاء الله

تسحر الصحابة مع النبي صلى الله عليه وسلم وكان بين سحورهم وآذان الفجر قدر:
1- خمسون أو ستون آيه
2- سبعون آيه
3- أربعون آية
4- ثلاثون آية