الحلقة الثالثة من مسابقة سمعتى كلام الحبيب .. طيب يلا نطبقه ، كل سنة وإنتم طيبين

مساء الفل والورد والياسمين ، ما احنا النهاردة كنا متسحرين قبل الفجر وفايقين :hhhhhh:

ها عملتي إيه على الفطار ؟
أكيد المحمر والمشمر

بألف هنا

بس نسيتي حاجة مهمة قوي وجدا وكتير وكل مرادفات الكلمة :ةق:

أفكرك ولا هتفتكري لوحدك ؟

ممتاز

هيه دي

مش ممكن نضيع فرصة الاقتداء بالرسول صلى الله عليه وسلم ونعمل زي ما كان بيعمل عند الفطار

ياترى كان صلى الله عليه وسلم بيعمل إيه ؟



1- كان مش بيأخر الفطار طبعا
يعني أول ما يؤذن المغرب يفطر على طول مش يستنى لغاية ما يصلي ويرجع
أو لغاية ما الآذان يخلص
قال صلى الله عليه وسلم : ( لا يزال الناس بخير ما عجلوا الفطر ) متفق عليه



إيه تاني ؟

تمام بارك الله فيكي

2- نقول دعاء الإفطار

كان صلى الله عليه وسلم إذا أفطر قال: ( ذهب الظمأ، وابتلت العروق، وثبت الأجر إن شاء الله ) رواه أبو داود وحسنه الألباني .
وكذلك ورد عن بعض الصحابة قوله : " اللهم لك صمت وعلى رزقك أفطرت "



ها وبعدين ؟

3- نفطر على رطب مفيش يبقى تمر مفيش يبقى ماء

لحديث أنس رضي الله عنه قال: ( كان رسول الله صلى الله عليه وسلم يفطر قبل أن يصلي على رطبات ، فإن لم تكن رطبات فتمرات ، فإن لم تكن تمرات حسا حسوات من ماء ) رواه الترمذي وقال الألباني حسن صحيح

وبعدين نصلي وبعدين نرجع ناكل وسبحان الله ده كله أفيد لصحتنا .



ومنتقلش في الأكل طبعا علشان لما نيجي نصلي التراويح بدل ما نفضل ندعي بالمغفرة والقبول نفضل ندعي ونقول يارب سلم سلم وأفضل على وضوئي وأكمل الصلاة



سلام يا حلوين نتقابل بكرة إن شاء الله