مين نفسها في حسنات كتيرة قوي قوي قوي يعني بدل ما تخدي ثواب صيامك بس تاخدي ثواب صيام مضاعف ؟ ماشي .. أقول لك وأمري لله ، بس إدعيلي
أنتي عارفة إنك لو فطرتي صائم تاخدي زى أجره بالضبط من غير ما ينقص من أجره شئ عن زيد بن خالد الجهني قال : قال صلى الله عليه وسلم : " مَن فطَّر صائماً كان له مثل أجره غير أنه لا ينقص من أجر الصائم شيء " . رواه الترمذي وابن ماجه
شوفتي إزاي تعبك ووقوفك للطبخ في العزومات في رمضان أو حتى وإنتي بتطبخي لزوجك ولأولادك بتاخدي عليه أجر كبير ؟
بس كل اللي عليكي تكون نيتك خالصة لله
رحتي فين ؟ جريتي على المطبخ ولا إيه ؟ اصبري شوية يا ستي في حاجة مهمه كمان مش معنى كده إني أدفن نفسي في المطبخ ليل نهار ، وأعمل عزومة كل يوم ، وأنسى العبادات التانية
لازم يكون فيه توازن
متنسيش برضه الصلاة وتلاوة القرآن فبدل ما أعمل 100 صنف وصنف ، كفاية صنفين تلاتة وأوفر وقتي ومجهودي لبقية العبادات يا حبيبتي الأجر كله تاخديه لو فطرتيه على تمر وماء زي ما قال بعض العلماء أنا مش بقولك تعملي عزومة على تمر وكوباية مية بس الاعتدال حلو
وبعدين تعالى هنا إيه كل كمية الأكل اللي بتعمليها دي ؟ عازمة البلد كلها ؟
وليه التبذير ده ؟ إوعي تكوني فاكرة إن ده كرم لأه يا جميل ده إسراف وتبذير وهتتحاسبي عليه
وفوق كده كتير من الأكل اللي بيفيض بيترمي كمان حرام عليكي في ناس بيتمنوا ياكلوا لقمة بملح من الجوع ، مش لاقيين أي حاجة نقوم إحنا علشان ربنا أعطانا من نعمه نرميها بالشكل ده ؟
لأه والأدهى والأمر في ستات ربنا يهديهم تفضل تزن على أزواجها وتحملهم فوق طاقتهم وتخلي عيشيتهم فل ، وتهدده بالساطور والأكياس السودة ، وكمان ممكن يستلف علشان تجيب كميات أكل في رمضان تكفي عيلة بحالها ، حتى لو مش هتعزم حد بحجة إننا صايمين وعايزين ناكل
قال النبي صلى الله عليه وسلم : " مَا مَلأَ آدَمِيٌّ وِعَاءً شَرًّا مِنْ بَطْنٍ ، بِحَسْبِ ابْنِ آدَمَ لُقَيْمَات يُقِمْنَ صُلْبَهُ ، فَإِنْ كَانَ لا مَحَالَةَ ، فَثُلُثٌ لِطَعَامِهِ ، وَثُلُثٌ لِشَرَابِهِ ، وَثُلُثٌ لِنَفَسِهِ " رواه الترمذي وابن ماجه. وصححه الألباني.
معقولة ده تفكير ناس عاقلين ؟ يا جماعة رمضان شهر الصيام مش شهر الأكل
بلاش أنا احكموا إنتم
إوعوا تكونوا منهم ؟
كفاية كده سلام
[/center]
_______________
سارة سرسور يعجبه هذا الموضوع
Admin General manager
الأوسمة : 1186 تاريخ التسجيل : 13/02/2011 العمر : 22 الموقع : https://fatakat2.yoo7.com/
موضوع: رد: الحلقة 11من مسابقة سمعتى كلام الحبيب .. طيب يلا نطبقه ، كل سنة وإنتم طيبين الثلاثاء أغسطس 23, 2011 3:11 pm
جزاك الله خيرا
_______________
سارة سرسور مشرفة
الأوسمة : اللهم اغفر لي وأحسن خاتمتي 2227 تاريخ التسجيل : 09/01/2021 العمر : 34 الموقع : مصر - الغربية الحمد لله
موضوع: رد: الحلقة 11من مسابقة سمعتى كلام الحبيب .. طيب يلا نطبقه ، كل سنة وإنتم طيبين السبت يناير 23, 2021 3:36 am
_______________
جميع موضوعاتي وردودي هنا صدقة جارية لروح والدي أحمد ابن منيرة
سارة سرسور يعجبه هذا الموضوع
الحلقة 11من مسابقة سمعتى كلام الحبيب .. طيب يلا نطبقه ، كل سنة وإنتم طيبين
الثلاثاء أغسطس 16, 2011 7:04 am
