تعالوا نتكلم عن انواع البشرة

تعالوا نتكلم النهاردة عن انواع البشرة

_ ايه دا هى البشرة ليها انواع ؟!
= طبعا .. هو انتى محصلش معاكى ان نوع كريم نفع مع بشرتك وبقى مناسب ، ومنفعش مع بشرة اختك أو صحبتك مثلا
_ فعلا .. دى حصل كتير
= دا لان كل نوع بشرة ليها نوع معين من الكريمات يناسبها وميناسبش غيرها
اسحبي الكرسى اللى عندك دا وتعالى اقعدي جنبى واسمعي ي ست البنات
قالك ي ستى البشرة انواع كتيرة

البشرة العادية:

دى حلوة ومريحة ومش بتاعت مشاكل ، هادية ، مسالمة كدا وف حالها

هى اللى بتكون لا جافة ولا دهنية

صفاتها :

انها رطبة
لونها موحد
مش حساسة
مسامها صغيرة
ملمسها واحد

البشرة الجافة:

خالية من الدهون والميه وعرضة ل
الجفاف ( ودا بيزيد فى حالة استخدام ميه سخنة ، صابون ، ف ايام الشتا ، السن اما يكبر )
التشقق
شيخوخة
تجاعيد
للحكة والاحمرار

صفاتها :
بتفرز الدهون بشكل بطئ جدا
بتكون خشنة
شكل الجلد كانه متقشر
ظهور خطوط دقيقة
شكل الجلد مشدود

البشرة الدهني( دى مشاكلها كتيييرة )

ليه مظهر دهنى لأنها بتفرز زيوت كتيرة

صفاتها:

مسام واسعة
بشرة لامعة
جلد سميك
ظهور رؤؤس سودا

عيوبها
بتتعرض لحب الشباب كتير
مسامها واسعة ( دا بيخليها عرضة للعدوى )
ظهور زيت واوساخ عليها
حدوث تكتل وعدم انتظام شكل المكياج

البشرة المختلطة
هى بتجمع بين البشرة الجافة او العادية .. وبين البشرة الدهنية

صفاتها
مسامها واسعة
رؤؤس سودا
جلد لامع
لون البشرة متفاوت وفيه شوايب
تقشر البشرة

البشرة الحساسة
بتحصلها مشاكل كتيرة لأنها حساسة لاى حاجة
صفاتها
دهنية ف الصيف ، جافة ف الشتا
حرقان واحمرار
جفاف
بتتاثر بسرعة بالحر والبرد
بتتابع بسهولة بالحرق او اللسع

الخلاصة

لو استفادت من البوست حط لايك عشان نكمل
لو كملت الموضوع للاخر ، هتقدري تحددي نوع بشرتك اعتبيلنا ف رد نوع بشرتك ايه ؟؟

_______________

ايمان البنداري

» نصائح للمحافظة على رطوبة البشرة ونضارتها ، بشرتك سر جمالك
» تعالوا معايا نحتفل
» تعالوا نتعلم الشهور العربية
» تعالوا معى الى جوله فى اسواق مكه القديمه
» تعالوا شوفوا الولد راسم ايه