وحشتوني النهاردة افتكرت واحدة زميلتي أيام الجامعة سبحان الله ، الأيام بتجري لأه متفهمونيش غلط أنا لسه شباب المهم كانت مش محجبة للأسف وأول يوم رمضان لقيتها لابسة طرحة وجريت أهنيها على الحجاب
لقيتها بتقولي لأه ده بس علشان رمضان
معقولة ؟
حد يفهمني ايه اللي خطر في بالها وهيه بتعمل كده ؟
طيب يا ستي مادام عملتي كده يبقى عارفة إن الحجاب فرض وعارفة إن الذي أمرك بالصلاة والصيام هو الذي أمرك بالحجاب
مكسوفة تصومي وانتي مش لابسة الحجاب ومش مكسوفة من ربنا وانتي ماشية طول السنة مجاهرة بمعصيته ؟
وبعدين تعالي هنا ممكن أعرف انتي بتضحكي على مين ؟ هو الحجاب لعبة تلبسيه لما تعوزي وتقلعيه لما تعوزي؟ ده أمر ربنا ليكي ومدام عارفة إن لبس الحجاب هو الصح بتخالفي أمر ربنا ليه ؟
فهميني أنا هتجنن
الحجاب فرض عليكي طول السنة مش فرض في رمضان أو وقت الصيام بس
شوفتي الفرق بينا وبين حياء الصحابيات وأمهات المؤمنين ؟
النبي صلى الله عليه وسلّم قال: "من جر ثوبه خيلاء لم ينظر الله إليه يوم القيامة ، فقالت أم سلمة : فكيف يصنع النساء بذيولهن ؟ قال : يرخين شبرا ، فقالت : إذا تنكشف أقدامهن ، قال : فيرخينه ذراعا ، لا يزدن عليه رواه الترمذي وصححه الألباني
يا سبحان الله همه دول النساء المسلمات بجد مش في البطاقة وخلاص نساء الحياء فطرة عندهم الرسول صلى الله عليه وسلم بيقول ان اللي يطول ملابسه بحيث تجرجر في الأرض تكبرا لن ينظر الله اليه يوم القيامة تقوم أمنا أم سلمة ترد وتقول ايه تقول ازاي النساء هتمشي وأقدامهم باينه ؟ مينفعش أقدامنا تبان ( مش رجلينا وايدينا وشعرنا ) مشكلتها قدمها تبان معلقتش عن المعنى المطلوب من الحديث وهو التكبر لأه مسكت في موضوع تاني خالص مسكت في انها لو طبقت المعنى المراد يبقى هتقصر ثوبها علشان ميجرجرش في الأرض وتدخل في الوعيد اللي ظهر في الحديث لكن لو قصرته قدمها هتبان
وعن عائشة رضي الله عنها قالت : يرحم الله نساء المهاجرات الأول ، لما أنزل الله : { وليضربن بخمرهن على جيوبهن } . شققن مروطهن فاختمرن بها . رواه البخاري
ياه دول لما سمعوا الآية بتأمرهم بالحجاب مستنوش لغاية ما يخرجوا من بيتهم علشان يروحوا السوق ويشتروا حاجة يتحجبوا بيه
لأه دول مش زينا مش فارق معانا أوامر ربنا دول ازاي يتأخروا عن تطبيق أمر الله حتى ولو مش عندهم الحاجة اللي هيطبقوا بيها أمر الله
طيب هيعملوا ايه ؟ يجيبوا الملابس اللي عندهم في البيت ويقطعوها ويعملوها حجاب مش ممكن بعد ما أمرهم الله بالحجاب يخرجوا من بيوتهم من غيره أبدا
وعن ابن عباس رضي الله عنهما أنه قال لعطاء: ألا أريك امرأة من أهل الجنة؟ قال: بلى، قال: هذه المرأة السوداء أتت النبي صلى الله عليه وسلم فقالت: إني أصرع وإني أتكشف فادع الله لي، قال: إن شئت صبرت ولك الجنة، وإن شئت دعوت الله أن يعافيك، قالت: أصبر، قالت: فإني أتكشف فادع الله أن لا أتكشف، فدعا لها.
الحديث باختصار معناه إن امرأة كان يصيبها الصرع في عهد الرسول صلى الله عليه وسلم وكانت لما بيجي ليها حالة الصرع ممكن ملابسها تتحرك فيبان جزء منها و تتكشف . فراحت للرسول صلى الله عليه وسلم تطلب منه إنه يدعيلها ربنا يشفيها من الصرع علشان متتكشفش أمام الناس
سبحان الله مش هاممها المرض كل اللي يهمها إنها متتكشفش أمام الناس يا ترى لو نزلت بلاد المسلمين دلوقتي وشافت المسلمات ماشيين في الشارع وهمه كاشفين رجلهم وايديهم وشعرهم بإرادتهم مش غصب عنهم كاشفين جسمهم وهمه فخورين باللي بيعملوه وحريصين عليه وفرحانين بيه يا ترى كانت هتقول ايه ؟
ياه مش لا قية كلمة توصف الفرق بينا وبينهم بين ناس حريصة بفطرتها إنها تستر نفسها وناس بتحرص على إنها تكشف نفسها
يا ترى لو مشيوا في شوارع المسلمين دلوقتي هيقولوا ايه ؟
وبعدين الحجاب مش بالطرحة بس لأه الحجاب ليه شروطه انه يكون واسع ما يصفش شكل الجسم ، مش شفاف ، يغطي جميع البدن على خلاف في الوجه والكفين ، ميبقاش فيه تشبه بالكفار ولا بالرجالة
ثبت في الصحيح عن أبي هريرة - رضي الله عنه - عن النبي صلى الله عليه وسلم أنه قال : " { صنفان من أمتي لم أرهما بعد : نساء كاسيات عاريات مائلات مميلات على رءوسهن كأمثال أسنمة البخت لا يدخلن الجنة ولا يجدن ريحها . ورجال معهم سياط مثل أذناب البقر يضربون بها عباد الله } معنى كاسيات عاريات يعنى لابسين ومش لابسين لا بسين ضيق يوصف الجسم أو شفاف يعني باختصار لابسين لبس يخالف شروط الحجاب
[center]ياه قد ايه أوامر ربنا هينه علينا اللهم اغفر لنا وتب علينا
معلش طولت عليكم قوي بس لأنه موضوع مهم
أشوفكم بكرة إن شاء الله
[/size][/center]
_______________
سارة سرسور يعجبه هذا الموضوع
Admin General manager
الأوسمة : 1186 تاريخ التسجيل : 13/02/2011 العمر : 22 الموقع : https://fatakat2.yoo7.com/
موضوع: رد: مسابقة سمعتى كلام الحبيب .. طيب يلا نطبقه ( الحلقة 18) الخميس يناير 12, 2012 9:00 am
حلقة جميلة جزاك الله خيرا
_______________
سارة سرسور مشرفة
الأوسمة : اللهم اغفر لي وأحسن خاتمتي 2227 تاريخ التسجيل : 09/01/2021 العمر : 34 الموقع : مصر - الغربية الحمد لله
موضوع: رد: مسابقة سمعتى كلام الحبيب .. طيب يلا نطبقه ( الحلقة 18) السبت يناير 23, 2021 3:42 am
_______________
جميع موضوعاتي وردودي هنا صدقة جارية لروح والدي أحمد ابن منيرة
الإثنين أغسطس 29, 2011 6:45 am
