أخبار العبادة إيه ؟ ياترى ماشين كويس ولا عايزين زقه ؟ فاكرين الرسول صلى الله عليه وسلم كان بيقول لأمنا عائشة رضي الله عنها تقول ايه في ليلة القدر ؟
ما شاء الله على الشطارة مذاكرين كويس
" اللهم إنك عفو كريم تحب العفو فاعفُ عني "
طيب بتقولوها وخلاص ولا فكرتم في معناها ؟
ياه لو تفكرتي في معنى اسم الله العفو علشان تعرفي معنى الاسم الأول لازم تعرفي
الفرق بين العفوّ والغفار
العفو أبلغ من المغفرة.. ليه ؟ فيه اللي الله تبارك وتعالى بيتعامل معاه بالمغفرة، وفيه اللي يتعامل معاه بمنزلة أعظم.. بالعفو، يا ترى انتي تستحقي ايه؟ ربنا سبحانه وتعالى غفور وعفو.. المغفرة إنك إذا عملتي ذنب فالله يسترك في الدنيا، ويسترك في الآخرة، ولا يعاقبك على هذا الذنب، لكن الذنب لسه موجود! أما العفو فالذنب غير موجود أصلاً، كأنك لم ترتكبي الخطأ ، لأنه أزيل وملهوش ليه أي اثر موجود .
طيب ليه ما تعمليش كده انتي الأول ؟ كام واحدة عملت فيكي موقف وزعلانه منها ومش بتكلميها علشان غلطانه في حقك ؟ مش نفسك ربنا يعفو عنك ؟ طيب ما تبدئي بالعفو انتي وتعفي عن كل اللي ظلمك وأساء ليكي ؟ وقولي يا رب أنا عفوت عنهم ابتغاء مرضاتك فاعفُ عني
هو يعني الذنب اللي عمِلته فيكي أعظم من ذنوبك اللي بتعمليها في حق ربنا ؟ ومع ذلك ربنا بيعفو سامحي وادعي ربنا يعفو عنك كلنا محتاجين عفوه عن ابن مسعودٍ رضي الله عنه قال: كأني أنظرُ على رسول الله صلى الله عليه وسلم يحكي نبياً من الأنبياء، صلواتُ الله وسلامهُ عليهم، ضربهُ قومهُ فأدموهُ، وهو يمسحُ الدمَ عن وجههِ، ويقولُ: ((اللهمَّ اغفر لقومي فإنهم لا يعلمُون))متفق عليه .
وقال رسول الله صلى الله عليه وسلم : " وما زاد الله عبدا بعفو إلا عزا ، وما تواضع أحد لله إلا رفعه الله "رواه مسلم
ومش تسامحي مرة وبعدين لو عملت فيكي حاجة تاني تقولي كفايه عليها كده أنا عفوت مرة وخلاص مش كل مرة اعفو وترجع تعاملني وحش المرة دي مش هسامح سئل النبي صلى الله عليه وسلم عن الخدم : كم نعفو عن الخادم؟ فصمت، ثم أعاد عليه الكلام فصمت، فلما كان في الثالثة قال: "اعفوا عنه في كل يوم سبعين مرة"رواه أبو داود وصححه الألباني.
بجد انوي بنية صافية العفو عن اللي ظلمك واطلبي العفو من ربنا سبحانه وتعالى اللهم انك عفو تحب العفو فاعف عنا
نتقابل بكرة إن شاء الله
_______________
سارة سرسور يعجبه هذا الموضوع
Admin General manager
الأوسمة : 1186 تاريخ التسجيل : 13/02/2011 العمر : 22 الموقع : https://fatakat2.yoo7.com/
موضوع: رد: الحلقة24 من سمعتي كلام الحبيب؟ ....يالا نطبقه الخميس يناير 12, 2012 8:57 am
حلقة جميلة جزاك الله خيرا
_______________
سارة سرسور مشرفة
الأوسمة : اللهم اغفر لي وأحسن خاتمتي 2227 تاريخ التسجيل : 09/01/2021 العمر : 34 الموقع : مصر - الغربية الحمد لله
موضوع: رد: الحلقة24 من سمعتي كلام الحبيب؟ ....يالا نطبقه السبت يناير 23, 2021 3:46 am
_______________
جميع موضوعاتي وردودي هنا صدقة جارية لروح والدي أحمد ابن منيرة