مين فيكم نفسها تدخل الجنة ؟ طبعا كلكم عمالة تصومي وتصلي وتدعي وتقري قرآن وتذكري ومش بتبطلي عباده ماشاء الله عليكي كل ده كويس بس يا ترى بتصلي رحمك ؟ عن جبير بن مطعم قال رسول الله صلى الله عليه وسلم : " لا يدخل الجنة قاطع رحم "رواه مسلم
وقال صلى الله عليه وسلم في الحديث الذي حسنه الألباني " إن أعمال بني آدم تعرض كل خميس ليلة الجمعة ، فلا يقبل عمل قاطع رحم "
ياه كل تعبك ده ممكن يضيع علشان قطعتي رحمك
وياريت قاطعتيهم علشان حاجة لله ده كله علشان دنيا تخسري كل حاجة وتعاندي علشان فلانة قالت كلمة ضايقتك أو عاتبتك بشدة شوية ولا ضربت ابنك ولا قابلتك مقابلة مش كويسة ؟ يبقى بعتي الجنة بالرخيص قوي
ده صلة الرحم هيه علامة الإيمان فعن أبي هريرة رضي الله عنه عن النبي صلى الله عليه وسلم قال: « من كان يؤمن بالله واليوم الآخر فليصل رحمه»رواه البخاري.
عايزة ربنا يقطعك زي ما قطعتي رحمك ؟ فعن النبي صلى الله عليه وسلم قال: « إن الله خلق الخلق حتى إذا فرغ من خلقه قالت الرحم هذا مقام العائذ بك من القطيعة قال نعم أما ترضين أن أصل من وصلك واقطع من قطعك قالت بلى يا رب قال فهو لك» رواه البخاري ومسلم.
ومتقوليش كرامتي بتوجعني ازاي هيه تعاملني وحش وأنا أعاملها كويس اللي يعاملني كويس أعامله كويس ، واللي يعاملني وحش أعامله وحش . عن أبي هريرة رضي الله عنه أن رجل جاء إلى رسول الله صلى الله عليه وسلم فقال: إن لي قرابة أصلهم ويقطعوني وأحسن إليهم ويسيئون إليَّ وأحلم عنهم ويجهلون عليَّ، فقال صلى الله عليه وسلم: « لئن كنت قلت فكأنما تسفهم المل، ولا يزال معك من الله ظهير عليهم ما دمت على ذلك» رواه مسلم. والمل هو الرماد الحار،
وقال صلى الله عليه وسلم « ليس الواصل بالمكافئ ولكن الواصل إذا قطعت رحمه وصلها»رواه البخاري.
وخلي بالك إنتي بتعاملي ربنا مش بتعامليها هيه
يلا بسرعة قومي امسكي سماعة التليفون وكلمي كل اللي انتي زعلانه منهم ومكلمتهمش من سنين
أشوفكم بكرة إن شاء الله
_______________
سارة سرسور يعجبه هذا الموضوع
Admin General manager
الأوسمة : 1186 تاريخ التسجيل : 13/02/2011 العمر : 22 الموقع : https://fatakat2.yoo7.com/
موضوع: رد: الحلقة 25من سمعتي كلام الحبيب؟ ....يالا نطبقه الخميس يناير 12, 2012 8:56 am
حلقة جميلة جزاك الله خيرا
_______________
سارة سرسور مشرفة
الأوسمة : اللهم اغفر لي وأحسن خاتمتي 2227 تاريخ التسجيل : 09/01/2021 العمر : 34 الموقع : مصر - الغربية الحمد لله
موضوع: رد: الحلقة 25من سمعتي كلام الحبيب؟ ....يالا نطبقه السبت يناير 23, 2021 3:47 am
_______________
جميع موضوعاتي وردودي هنا صدقة جارية لروح والدي أحمد ابن منيرة
الإثنين أغسطس 29, 2011 7:26 am
