اسرع واسهل طريقة تتخلصي بيها من النمل ومش هتكلفك ولا مليم
كلنا بنعاني من النمل وجربنا كل الطرق للتخلص منه ومافيش فايدة 
طب اعمل ايه ؟؟؟ 
اقولك اول حاجة
اعرفي مكان بيت النمل فين
هو بيعيش جوة الحيطة بيعمل فتكات صغيرة تحت الحيطة ويدخل جواها
وكمان السراميك هو صحيح ما يقدرش يخرمه صعب عليه لكن
بيدخل بين السيرامية الواحدة وبين اختها اللي جمبها بيعمل خرم صغيير ويدخل فيه
ركزى معايا ف الصورة
الفاصل الابيض ده هو اللي بيحفر فيه النمل خرم صغيير على قد حجمه ويدخل فيه
ويبني المملكة بتاعه جواه
ومش بيطلع غير لما يشم ريحة الاكل او الماء
طب اعمل ايه؟؟؟
عليك بشوية تيكات وحركات ومش هتكلفك اي حاجة مجانا ومن بيتك
هاتي ماج او كوباية واملي جزء منه ماء
واتركيه في مكان بيت النمل او مكان اللي موجود فيه الكوبايات دولاب المطبخ
وبعد فترة صغيرة هتلاقي الماك مليان نمل وباقي الكوبايات نضيفة
كل تركيز النمل على ريحة المية وجاية منين
هيشمها من الماج ويحاول يدخل
هيتزحلق ويقع جواه
وبكدة اتخلصنا من النمل بطريقة آمنة وسريعة ومش مكلفة نهائي
_______________
ايمان البنداري
السبت سبتمبر 02, 2023 9:48 pm
