ايمن طلب من ماما تعمله كيكة قالت ماما من عيوني هعملك
أحلى كيكة حضرت ماما المكونات كلها ووضعها على منضدة
المطبخ جري ايمن مع ماما وشاف المكونات فمد ايده على
الدقيق عشان يدوقوا بلسانه . وقال ايه ده طمعه دلع ليه ...
فسابه حاول يدوق الخميرة لالالا دي لازعة مش حلوة خالص
سابها وراح للزيت وداقه معجبوش فقال لماما انت قاعدة طول اليوم على فتكات ولما تعملي الكيكة
تعمليها طعمها وحش
طعمها وحش اوي ليه يا ماما ابتسمت ماما وقالت
استنى شوية جهزت ادواتها وبدأت تشتغل وعملت الكيكة
ووضعتها ف الفرن وبعد فترة طلعتها وقالت لايمن قولي رأيك
طعمها ايه ذاق ايمن الكيكة وقال الله طعمها جميل جدا ..ايه الجمال ده خلص القطعة كلها وطلب تاني
شوفتوا ايمن لما استعجل اكل مكونات الكيكة لقاها وحش ولما
استني للآخر لقى الكيكة طعمها احسن كتييير
احنا بنتعامل مع اقدار ربنا زي ايمن والكيكة
بنتعجل الأقدار ومش مدركين أن لكل قدر نازل ف ميعاده
المناسب اللي محدده ربنا :
واحدة تقول :
وصلت ال٣٠ ومش اتجوزت اعمل ايه شوفولي حل ،،، قدرك جاي
ف ميعاده لا تتعجلي هي مش بالسن ممكن تتجوزي بدري
والجوازة مش تنجح ...
واحدة تانية تقول اتجوزت من ٣ سنين ومافيش خلفة العيلة كلها خلفت بسرعة انا لا فيه ايه ؟
مش تتعجلي،، الخلفة الصالحة جاية ف ميعادها
ما هو مش اي خلفة والسلام ـ ربنا مقدر ليك الخير وبيسبب
الاسباب ليحققه في ميعاده
لا تتعجلي الكيكة زي ايمن
الأربعاء سبتمبر 06, 2023 8:17 pm
