ماذا تفعل الزوجة إذا تطور الأمر وحصل من زوجها ما لا
يعجبها، كيف يمكنها أن تظهر غضبها وعدم رضاها عن الموقف؟
فيه ستات عايزة تظهر غضبها وإعتراضها على شيء حصل مش عاجبها
ايه اللي بيحصل ؟؟
الدنيا بتتهد وتعلن حالة الطواريء
والبيت كله يقلب حداد لأيام
وطبيعي الزوج مش هيسكت هيعمل رد فعل لأنه بشر
فـ الشيطان يستغل الفرصة ويدخل يولعها ويتفرج 
والحقيقة هما الاثنين خسرانين محدش فيهم كسب
اما ملكتنا الحلوة الذكية بتعرف تقطع سبل الشيطان
من غير ما تضيع حقها في إظهار غضبها
لكن ازاي تعمل ده من غير ما تعلن حالة الطوارئ والحداد لأيام ؟ 
هتبين لزوجها انها غضبانة من حاجة ومن غير ما تقلب البيت نكد ولا تتنازل عن حقها
الزوج هيفهم ان فيه حاجة مزعلاها وده من اقل تغيير يظهرعليها
ازااااااي
في حديث لأمنا عائشة رضي الله عنها
تجد الرسول صلى لالله عليه وسلم يقول لها
(إنِّي لأَعْلَمُ إِذَا
كُنْتِ عَنِّي رَاضِيَةً، وإذَا كُنْتِ عَلَيَّ غَضْبَى قالَتْ فَقُلتُ: وَمِنْ أَيْنَ
تَعْرِفُ ذلكَ؟ قالَ: أَمَّا إِذَا كُنْتِ عَنِّي رَاضِيَةً، فإنَّكِ
تَقُولِينَ: لا وَرَبِّ مُحَمَّدٍ وإذَا كُنْتِ غَضْبَى،
قُلْتِ: لَا، وَرَبِّ إِبْرَاهِيمَ قالَتْ قُلتُ: أَجَلْ، وَاللَّهِ يا رَسُولَ اللهِ،
ما أَهْجُرُ إِلَّا اسْمَكَ) رواه مسلم.
شوفتي الجمال يا قتوكة يعني عايزة تقوله: مهما زعلت منك من هتغير ناحيتك غير اني مش هقول اسمك
حاجة بسيطة اوي يعرف منها الرسول ( الزوج) انها زعلانة
ايه اخبارك يا فتوكتي الحلوة
بتعبري عن غضبك ازاي لزوجك ؟؟؟؟
امك عائشة قدوة ليك يعني مهم جدا لحياتك تعملي زيها
اقل تغيير في معاملة الزوجة لزوجها هيعرفه ,
القبلة اللي بتضعيها على جبهته وهو نازل لو مرة انتقطعت هيلاحظ التغيير
,الضحكات والكلمات الـ مليانة البيت
حتى الرسايل اللي بتبعتيها لموبايله هيفتقدها حتى لو مش اعترف وقال
ان فيه تغيير هو هيحس ويعرف
من الاخر في وسائل سلمية كتيييييير للإعتراض
فـ ليه اعلن الحرب ؟؟؟؟؟؟
انت ملكة
الخميس سبتمبر 21, 2023 12:11 pm
