فيه حاجات ما تتقالش لحد غيره فضفضي معاه لوحده .....

أيوة فيه حكايات ما تتقالش غير لربنا وبس، في تفاصيل ما ينفعش تتحكي غير له وحده..
أيوة فيه كمية زعل بتتحوّش لقاعدة سريّة خاصة جدًا معاه.. لا بترتب وقتها هتقول ايه ولا هتجيبها له أزاى!

الحكايات الخاصة دي عُمرك ما تقدر تكشفها قدام بَشر.. لأنك مهما وَصفت مفيش حد هيقدر يفهم أنت حسيت بإيه وقتها ولا حاسس بإيه وأنت بتحكيها.. ولا مريت بإيه وهي بتحصلك!
ولا في حد في الدنيا هيقدّر حجم شكوتك ولا أبعادها ولا هيتفهّم مداها ولا هيقدر يستوعب حتى أسبابها..
في تفاصيل ربنا وحده بس اللي لازم يتطّلع عليها بتروح له وأنت مش خايف إنه يفضح سِرّك ولا هيشمت فيك ولا هيذّلك مع أول خلاف..
اللحظات اللي بتتلاقى فيها مع ربنا بتقويك على قد ما بتغرق وقتها في بحر دموعك..
لكن بتحس بقوة غريبة لأنك واثق إنه عُمره ما هيخذلك.

-قيام الليل.

_______________

ايمان البنداري

» 6 صفات يتميز بها الشخص الناضج عن غيره
» حاجات جميله للمطبخ
» 10 حاجات الطفل محتاجها
» حاجات وحجات لمطبخ العروسه
» الطفل الجاد الهادف كيف تتعاملين معاه