الفكرة دي فكرة صحابي عرضها على النبي واقرها (وافق عليها ) وساعد كمان ف تنفيذها
عتبان بن مالك الانصاري
راح للنبي وقاله انا كنت بصلي مع قومي
حتى ضعف بصري والسيول ملئت الشوارع وحالت بيني وبين اصحابي والمسجد
(مش عارف أروح أصلي زي زمان )
فطلب من الرسول أنه يجي ف بيته يصلي ف مكان
ليصبح مسجد يصلى فيه كل الصلوات
وافق النبي واقر فكرته ووعده أنه يزور بيته
وفعلا زار النبي ومعاه ابو بكر بيت الصحابي عتبان
وسأله فين المكان اللي حابب اصلي فيه
أشار عتبان على مكان فقام الرسول يصلي بهم
عتبان وأبو بكر
انتهت الصلاة وسلم الرسول فسلمنا
الشاهد من القصة دي فكرة انك تخصصي مكان ف بيتك للصلاة فيه
فكرة صحيحة واقرها النبي وكمان هتساعدك على الخشوع
عشان كل ما تدخليه هتفتكري المسجد وخشوع الصلاة فيه
خدنا بالنا يا فتوكات
الفكرة دي ابتكرها عتبان مش الرسول
والرسول وافق عليها عشان مش غلط ولا بتغير
ثوابت الدين .. ولا قال بدعة عشان مش عملتها ...
وكل بدعة ضلالة وكل ضلالة في النار
لالالالالالا
أقرها وشارك فيها كمان
مع تنبيه مهم جدا لا نغفل عنه
الله يهديكم
بالنسبة للرجال
يصلي صلاة الفريضة لو مالوش اعذار
ف المسجد .. في المسجد .. ف المسجد
ولا يتكاسل والنافلة ف المنزل جماعة مع أهله
في المكان المخصص
************
معنى كدة أن مش كل فكرة جديدة تكون بدعة
البدعة في تغيير اساسيات الدين الثابتة
تصلي صلاة ٥ ركعات بدل ٤
تغيري القبلة لمكان تاني عمدا
تزودي حاجة ف الوضوء
تقرئي القرآن بطريقة غلط
هي دي البدع
نعوذ بالله منها ومن ضلالتها ومن جهنهم