هتيجبي قرنبيط وضروري تختارها بيضاء
واعمليها على طول مش تتركيها ايام لأنها كل يوم هتصفر عن اللي قبله
اقلبيها وقطعيها قطع واسلقيها في ماء مغلي
تاني خطوة هنحضر الخلطة وهي شبه خلطة المحشي
احضري بيض وضيفي عليه الدقيق
طبعا على حسب حجم القرنبيط
بتاعتي صغيرة فإستخدمت بيضة واحدة و٣او٤ ملاعق دقيق
قلبي البيض مع الدقيق جيدا
قومي بتغطية القرنبيط بالخلطة
حضري الطاسة فيها كمية من الزيت
وقومي بقلي القرنبيط حتى يحمر
وهنا قليت جمبه فلفل كان عندي
وجبة ومفيدة ومش مكلفة
وبالهنا والشفا
_______________
ايمان البنداري