فكره مشروع 200جنيه
ايه المشروع اللي 200 جنيه ده هتهزري ؟؟..
لالالالالا مش بهزر خالص
☆هنشتري ب30جنيه فينو ال بجنيه ونص يعني 20 رغيف
☆ 10 بيضه هتسلقهم ب55جنيه - ( على حسب سعرهم عندك )
☆علبه جبنه فيتا نص كيلو ب 35جنيه
☆ 20 جنيه حلاوه سايبه
《 ونعمل كل ده سندوتشات 》 افتحي الفينو بمقص عشان يبقي شكله حلو مش مبهدل ..☆هنجيب اطباق فوم 20ج ونحط فيها السندوتشات ☆هنشتري ب 10 جنيه اكياس تلاجه☆هنجيب 2 كيلو برتقال او سفندى30جنيه☆ونجيب الفينو طازه كده واملي السندوتشات وانت بتعمليهم كويس و تحطي ف كل كيس سفندايه او برتقالايه واحده فى الطبقهننزل بالعربيه اوتتمشى على الكورنيش اوقدام الجامعة على محطات الترام .. اي كوبري.. عمال النظافه في الشوارع او محطات القطار...........أقرب شئ توصله..
هتلاقي ناس ع باب الله كتيييير..
فـ اليوم مبيتعداش 20 جنيه
هتسلم عليه و تديله كيس وانت بتبتسم
انقل الفكرة عندك أو أعملها شير
_______________
ايمان البنداري
الإثنين فبراير 12, 2024 11:03 pm
