ام دخلت المول مع ابنها وصاحبتها تروح هنا .. تبص هنا وبعد دقيقة دقيقتين بتبص حواليها مش لقت ابنها قعدت تنادي عليه
مافيش رد نبرة صرتها اتغيرت وبدأت تصرخ
ثواني و لقيته ادامها مسكته وقعدت تضرب وتشتم فيه ؟؟؟!!!
الواد مش فاهم خايف ومحتاج يطمن يعني كان محتاج حضن وطبطبة بس خلاص
لكن فوجئ بلكمات على جسمه وشتايم !!!!
*******
رد فعل الام معروف خايفة على ابنها وتخيلت انه راح منها
ولما لقتها عبرت عن خوفها بالعنف
لكن الولد اتلخبط ومش فاهم
هي ماما بتحبني ولا بتكرهني ؟؟!!!!
في مثل حلو أوي بيقولوه عندنا في الصعيد ..
( تعالى من الشمس جاتك رزية.. رد قاله مش عايز دي الحنية)..
واحد خايف على ابنه من الشمس .. لكن الولد مش محتاج "الحنية" اللي من
النوع ده .. حنية مغلفة بالقسوة ..
الخلاصة يا فتوكة
المشاعر الطيبة اللي بتعكس حب و تقدير أو خوف و قلق على شخص يهمنا ..
محتاجين نتعلم إزاي نوصلها بطريقة و أسلوب حلو ... يتناسب مع رُقي و جمال
الإحساس نفسه .. الناس مش محتاجة مشاعر مجمدة.. Frozen.. الناس محتاجة
مشاركة حقيقية.. كلمة حلوة .. إبتسامة دافية .. حاجة تتفهم و تتحس ..
_______________
ايمان البنداري
السبت فبراير 24, 2024 7:24 pm
