- لو قلتك كلمة ذنب ايه اللي يخطر ف بالك ؟؟؟؟
مممممم
- جهنم ونستعيذ بالله منها
- طب ليه
-لأنك هتفكري على طوول ف الذنوب اللي هتودي جهنهم صح ؟؟؟
ـ طب لو قلت طاعة ؟؟
- الله هفتكر الجنة
على طول عايزة اعملها عشان ادخل الجنة
جمييييل ركزي معايا ف اللي جاي يا فتوكة لاني جاية بتفكير مختلف
هقولك طاعة ... لكن تودي جهنم !!!
ازاااي
فتحي لي ودنك وفكري معايا
لو عملت طاعة وفرحت اوي بيها وكمان لقيت رد فعل من الناس حلو اوي وعجبني
وبيني وبين نفسي
الله ... دانا داخل الجنة حتف شوفوا عملت ايه ؟؟
محدش عمل اللي عملته
وممكن اكون صادقة في كلامي لكن
اعجابي بالعمل ده هو اللي هيدخلني جهنم
اعوذ لله من دي طاعة مش عايزينها
لو عملت معصية وبعدين انتبهت 
ايه ايه دي غلط انا عملت ايه عصيت ربنا
ازاي دا حصل ؟؟؟
وافضل الوم نفسي وخايفة من جهنم ونازلة توبة ليل نهار على عملتي السودة
خوفي من غضب ربنا والذنب اللي عملته وانكساري
هو ده اللي هيدخلني الجنة
قال بعض السلف : قد يعمل العبد ذنباً فيدخل به الجنة .. ويعمل الطاعة
فيدخل بها النار! قالوا : وكيف ذلك؟ ، قال : يعمل الذنب فلا يزال يذكر ذنبه
فيُحدث له انكساراً وذلاً وندماً ويكون ذلك سبب نجاته ، ويعمل الحسنة فلا تزال
نصب عينيه كلما ذكَرها أورثتْه عجباً وكِبراً ومنّة فتكون سبب هلاكه.
استغفر الله العظيم التواب الرحيم واتوب إليه
_______________
ايمان البنداري
الإثنين فبراير 26, 2024 9:10 pm
