وانا ماشي ف طريقي جاتلي ضربة من الخلف
دورت وشي وانا غضبان غضب شديد (مين اللي ضربني؟ وليه ؟ مش هسيبه )
اتفاجئت بعصا رجل ربنا ابتلاه ف بصره
هي سبب الضربة 
فتبدلت مشاعري كليا من الغضب الشديد لمشاعر الرحمة والشفقة
وساعدته ف الوصول للمكان اللي يريده .
ركزوا معايا ف مشاعر الراجل ده
بدأت بغضب شديد وانتهت برحمة وشفقة
جه منين التغيير ده ؟؟؟
ببساطة شديدة جه من فهمه وتحليله للموقف
يعني افكاره
ف الاول فكر ان حد بيضربه دور وشه عشان يدافع عن نفسه
لما شاف العصا والرجل الكفيف تغيرت افكاره انه مش قاصد يضربه
فتغيرت مشاعره فور تغير افكاره
عرفنا المشاعر والانفعالات بتيجي منين ؟؟؟ 
من افكارك 
غيري افكارك وإحسني الظن في المواقف اللي بتواجهيها
ولا داعي للعصبية والاحكام السريعة على غيرك
الثلاثاء أبريل 16, 2024 3:28 pm
