ولا تنسى نصيبك من الدنيا

ولا تنسى نصيبك من الدنيا

فتوكتي لو انا شوفتك خارجة جيت قولتك مش تنسي تعدى على صحبتك دنيا وتجيبيها معاك
أنا قولتك كدة ليه ؟؟؟ اكيد عشان طلبي مش من ضمن اسباب خروجك
صح ؟؟ امال ايه اللي ف دماغك؟؟ انتي خارجة ليه ؟؟ اكيد فيه حاجة مهمة شاغلة كل تفكيرك وخرجتك يعني انتي خارجة لسبب تاني وانا فكرتك ب صحبتك دنيا
جميل كدا

اسمعي ربنا بيقولك ايه ....
وَلَا تَنسَ نَصِيبَكَ مِنَ الدُّنْيَا ۖ يعني دماغك مليانة بأيه ؟ شاغلة كل تفكيرك بأيه وربنا بيفكرك بنصيبك من الدنيا ؟؟؟؟
فكروا معايا اكيد وصلتوا للي انا عايزة اقوله اكيد شاغلة كل تفكيري بالاخرة وربنا بيخفف عني وبيقولي
ولا تنسى نصيبك من الدنيا صح جيبتي الكلام ده منين قوليلنا ...
تعالوا نسمع ربنا بيقولنا ايه ونجيب اول الاية

بسم الله الرحمن الرحيم
وَابْتَغِ فِيمَا آتَاكَ اللَّهُ الدَّارَ الْآخِرَةَ ۖ وَلَا تَنسَ نَصِيبَكَ مِنَ الدُّنْيَا ۖ وَأَحْسِن كَمَا أَحْسَنَ اللَّهُ إِلَيْكَ ۖ وَلَا تَبْغِ الْفَسَادَ فِي الْأَرْضِ ۖ إِنَّ اللَّهَ لَا يُحِبُّ الْمُفْسِدِينَ (77)
صدق الله العظيم

ربنا بدأ بالاخرة الاول وبعدها ذكر نصيبك من الدنيا

يا خبر دا الوقع عكس كدة تماما شوفو كدة
كل تفكيرنا في الدنيا ناكل ايه ... نخرج فين ... نشتري ايه ... اجوز مين .. اخلف كام ولد وبنت .. أسمي عيالي ايه ..
ادخلهم مدارس ايه ... الخ

وفجأة الاقي حد يفكرني يلا بينا صلاة الجمعة الخطبة هتخلص !!! هو انا صليت طول الاسبوع عشان اصلي الجمعة ؟؟!!
وهو ده واقعنا المؤسف طبق عكس الاية تماما
كل تفكيرنا ف الدنيا ونصيبنا فيها وفين لما حد يفكرنا بالاخرة ونصيبنا منها صلاة او صوم او اي عبادة

وكأننا محتاجين حد طول الوقت يفكرنا ويقولنا لا تنس نصيبك من الاخرة ولا حول ولا قوة الا بالله

الخلاصة يا فتوكتي الغالية كلنا محتاجين
اول حاجة تعرفي اغلب افكارك رايحة فين من غير ما تضحكي على نفسك
وبعدها
توجهي افكارك للمكان الصح
كلنا محتاجين ان
النسبة الاكبر من تفكيرنا ف الاخرة ولا تنس نصيبك من الدنيا

_______________

ايمان البنداري

نورتيني يا قلبي

_______________

ايمان البنداري

_______________

جميع موضوعاتي وردودي هنا صدقة جارية لروح والدي أحمد ابن منيرة

» ماذا لو كان نصيبك من الدنيا
» ليه الدنيا منغصة عليا حياتي ؟؟
» متكركبيش الدنيا فوق راسك
» انتي جاية على الدنيا ليه ؟؟؟؟!!!!
» الدنيا ربيع حديقة الميريلاند