اللي بيتخابث على ربنا

انت ممكن تغلط وتقول سامحني يارب انا غلطت عارف دعاء سيد الاستغفار ابوء لك بنعمتك علي وابوء بذنبي فاغفر لي كلنا خطائين لكن اتخابث على ربنا واقوله انا مش غلطان ده شغل شيطان ده اللي قال لربنا لما خلق ادم فبما اغويتني انت عملت الموضوع ده عشان تضلني ما ينفعش حد يتخابث على ربنا وهو عارف انه غلطان وبيتبع شهوته  هما مش عايزين يشتغلوا ولا يتعبوا  هما عايزين ياخدوا السمك بسرعة كدة من على الشط في يوم حرام فيه الاصطياد عايزين ياكلو حرام عشان الحرام سهل فعقدوا يفكروا ازاي يتخابثوا.. لما قعدوا يفكروا جد الفتنة
كذلك نبلوهم بما كانوا يفسقون
اقولك على حاجة بيني وبينك كدة

الانسان اللي مش واضح  مع نفسه بيفتن نفسه اضرب لك مثال 
لما بني ادم يحرجم على قرش حرام ويقعد يدورله على مبررات يقعد يسال في دور الافتاء والكل يقوله ان ده حرام يقعد يقرب منه ويسمح لنفسه بالقرش الحرام ده هتجيله الفرصة الحرام هتجيله الفرصة الحرام لانه فتن نفسه
(قل من كان في الضلالة فليمدد له الرحمن مدا)

 خد بال من الحتة دي
الراجل المتجوز اللي بينبسط بنص علاقات مع ستات تانية غير مراته بيحب يهزر بيحب يتحرش لفظيا ويدلع دلع مش حلو  وهو عارف وبيقول مش هغلط ولا .... بس بحب الشهوات اللي بتجيلي من النوعية دي من العلاقات دي وهو متجوز ومراته مخلصة

قد يبتلى بإنسانة مايعرفش يقاومها قد يبتلى بغلطة يقول ايه ده هو انا ازاي اتزحلقت ف الكبيرة دي ايوه

 ما هو ربنا قال 
وكذلك نبلوهم بما كانوا يفسقون 

 ما انت اللي فتحت على نفسك عدم الاحترام والحياء ف المعاملة 
عارفة لما بني ادم يحرجم حوالين الغلط وهو مبسوط بنص الغلط  وعمال يلاقي له مبررات ويسميه مسميات تانية هو اللي بيروح برجليه للفتنة وبعدين لما يقع ف ازمة كبيرة ومصيبة ثقيلة هو ليه حصلي كدة
ما سيدنا النبي قال الحلال بين والحرام بين وبينهما امور مشتبهات لا يعلمهن كثيرا من الناس فمن اتقى الشبهات بعد عن الحرجمة والدلع تسمية الحرام بغير مسمياته  عشان يقرب منه ويبرره فمن اتقى الشبهات فقد إستبرأ لدينه وعرضه حمى قلبه  وحمي نفسه ومن حام حول الشبهات كالراعي اللي معاه غنم يرعى حول الحمى

حوالين قصر الملك وحوالين قصر الملك الزرع دع ممنوع ترعى فيه  يوشك ان يقع فيه  راحت الغنم بتاعته اكلت فيه فأستحق العقوبة فخليك واضح 

قصة اصحاب السبت  مش معصية عادية دي معصية فيها محاولة خديعة ربنا ايوه بضحك على ربنا وبعمل الحركة دي وتخش على ربنا واوعى حد يقولي غلط انا مش اصطادت يوم السبت لا انت اصطادت وقربت واعتديت وسميت بمسميات تانية وكنت فاكر ان ربنا يخدع  عكس الانسان الخطاء زينا كدة لما يغلط يقول أنا غلطت انا ادلعت انا هزرت بزيادة دي كانت شتيمة مش كلمة تتكتب في ميزان الحسنات انا القرش ده خادته مش من حقي الكلمة دي مش تتتقال ادام بني ادم الكلمة دي فيها اعتداء وفيها اهانة تسمية ابوء لك بنعمتك عليا وابوء بذنبي تسمية الاشياء بمسمياتها يخلي الانسان يشعر بالندم فيتوب فيبعد عن البلاء لكن التانيين
كذلك نبلوهم بما كانوا بفسقون

هو اللي بيتخابث فحط نفسه ف البلاء فربك بيقول واختم معاكم فجعلناها نكالا القرية دى بقت عبرة  نكالا يعني عذابا  فجعلناها نكالا لما بينها وبين خلفها اصبحت عبرة للعالم كله وموعظة للمتقين موعظة يعني تذكرة بشيء انت تعرفه حد يفكر جد بحاجة هو عارفها بس عايز حد يشجعه ويفكره بيها موعظة لمين؟؟ للمتقين المتقي يعني اللي عايز بيحمي علاقته مع الله بيحمي قلبه 
تفسير 65ر66 من سورة البقرة