سلاح المرأة الفتاك

سلاح المرأة الفتاك

كثير سألوني هل المرأة القدرة على السيطرة على قلب الرجل او ما هو السلاح الفتاك للمرأة الغير قابل للمقاومة ؟

وانا مش هكتر عليكم واقولك اعملي واعملي واعملي .. هقولكم على اكثر شيء بيجيب من الآخر

الدلع ثم الدلع ثم الدلع

عليكي بالدلع بأنواعه المختلفة يعني احيانا في نبرة صوتك واحيانا في تغيير نطق بعض الحروف بأنوثة

واحيانا في بعض حركاتك زي اللعب بخصلة شعرك .. واحيانا في شقاوة عينيكي وخفة دمك ...

واحيانا في ملابسك بالبيت المناسبة للون بشرتك وطبيعة جسدك

واحيانا بتكون في عطرك المفضل .. وساعات تكون كوكتيل مما ذكرت

من الآخر تحسي انك انثى ناعمه بالقول والعمل .. ودا علشان جوزك كمان يحس بحلاوة وطعامة دلعك

لكن الصوت العالي او العصبية فهي تبعدك تماما عن سلاحك الفتاك .

او تحسي بأنك امرأة مسترجله ولا انك تفتكري ان المرأة لازم تكون قويه بحيث تاخد حقها بالعافيه والالحاح والشكوى والتذمر فدا بيبعدك كمان عن سلاحك الفتاك .

وطبعا الدلع له وقته بس لازم تعرفي ازاي وامتى تستخدميه فأوعي تهمليه ابدا وافتكري انه سلاحك الفتاك

وياسلام بقى لو كان معاه شوية مدح على قدرات جوزك من حين لآخر كدا انتٍ انتصرتي بالضربة القاضية وهو موافق ومستسلم

وطبعا في امور تانيه لا تقل اهمية لنجاح العلاقات بس البوست دا كان بيتكلم عن سلاحك الفتاك ⚘⚘

اما لو عندك مشكلة في الدلع فهتخسري كثير .. راسليني لو محتاجه مساعدة علشان تتغيري

ودمتم على خير

رشا حمودة

المستشارة الاسرية وممارس الدعم النفسي وتطوير الذات

_______________

ايمان البنداري