1561 تاريخ التسجيل : 08/01/2021 العمر : 3 الموقع : اسكندرية عروس البحر الله غالب على امره
موضوع: امتحان مفاجئ الإثنين أغسطس 15, 2022 9:18 pm
امتحان مفاجئ !!!
في كل يوم بنسمع فلان مات وعلانه ماتت
ممكن نتعجب وممكن نحزن أو حتى نبكي ونكتئب كام يوم خصوصا لو كان الميت قريب مننا أو عزيز علينا
ساعات بيكون الشخص وكل اللي حواليه مهيئين نفسيا لموضوع موته مريض مرض خطير كبير في السن وبلغ من العمر ارذله واكيد مش هيعيش اد اللي عاشه
لكن بقينا نسمع كل يوم والتاني عن موت الفجأة وخصوصا موت الشباب
فلان كان نايم بيصحوه لاقوه مات فلان كان رايح يتفسح وعمل حادثة ومات فلان كان مع اصحابه وفجأة وقع ولاقوه مات فلانة كانت في الكوشة يوم فرحها وفجأة وقعت على ما وصلت المستشفى كانت ماتت وغيرهم كتير قصص وحواديت وحوارات بنشوفها وبنسمعها كل يوم
لحظة واحدة فرقت بين الحياة والموت لحظة بدون استعداد ولا تمهيد صاحي من النوم او داخل أنام أو خارج وفي دماغي مليون حاجة وخطة أعملها للنهاردة وبكرة وبعده أحلام وأماني راسمها في مخيلتي اني هاعملها واحققها
********************
لكن في لحظة يبدأ امتحان مفاجئ الامتحان النهائي في حياتنا
امتحان مفيش فيه ملاحق
امتحان نتيجته يا نجاح يا رسوب يا جنة يا نار
مفيش فيه وقت تراجع قبل ما تجاوب لان اللي ذاكر ذاكر من زمان
ذاكر لما حافظ على صلاته لما غطت جسمها ولبست حجابها الشرعي قبل ما تغطيه غصب عنها بالكفن لما كان بار بوالديه لما كان بيصل رحمه لما مكنش بيظلم لما حفظ لسانه ونظره وجوارحه كلها عن الحرام لما رفض ياكل حرام لما غلط وعصى بكى وتاب ورجع لما صبر وقت البلاء وشكر وقت السراء
لكن في المقابل اللي عاش حياته بالطول والعرض مش هامه على معصية ولا طاعة مش هامه حلال ولا حرام مش هامه وصل للي عايزه ازاي داس على كام واحد في طريقه ضحك على كام بنت وهي صاحبت كام ولد واتنازلت عن حاجات كتير علشان تفضل معاه ظلم وارتشى وعق والديه وقطع رحمه وسب وشتم وشهد شهادة زور
حتى لو معملش كبائر لكن كان غافل مش عايش حياته لله مكنش فيه نيه في أعماله
افتكر إن بعد موتك ... مالك اللي جمعتيه من حرام هتسيبه وهتتعذب بسببه وغيرك يتمتع بيه الكرسي اللي دست على ناس واخدته بغير حق سبته ومنفعكش والدك ووالدتك اللي عقتهم اخوك اللي قاطعته سنين زوجتك اللي ظلمتها جارك او زميلك اللي اذتهم وغيرهم وغيرهم جه وقت العقاب
ياترى اللي تعرفهم هيقولوا الله يرحمه ولا ربنا خلصنا منه ؟ هيذكروك بالخير ويفتقدوك ويفتقدوا عملك الطيب معاهم ولا هيفرحوا ان اذاك بعد عنهم ؟ يا ترى عندك حسنات جاريات ولا سيئات جاريات؟
في لحظة هتتسحب ورقة الامتحان ... وهيبدأ الحساب
لكن لسه أمامك فرصة ممكن تكون سنين وممكن تكون شهور وممكن ايام وممكن دقايق وانت مش عارفة
فبادري التوبة فلعل اخر كلمه تقولها الان هي تبت اليك يارب فيختم لك بخير. همسات الاوابين
_______________
ايمان البنداري
سارة سرسور يعجبه هذا الموضوع
سارة سرسور مشرفة
الأوسمة : اللهم اغفر لي وأحسن خاتمتي 2227 تاريخ التسجيل : 09/01/2021 العمر : 34 الموقع : مصر - الغربية الحمد لله
موضوع: رد: امتحان مفاجئ الإثنين نوفمبر 14, 2022 3:13 pm
_______________
جميع موضوعاتي وردودي هنا صدقة جارية لروح والدي أحمد ابن منيرة