في كتاب الله تعالى الكثير من الأسرار الخفية التي لا يدركها إلا من تدبر هذا الكتاب العظيم ... يقول تعالى: (وَضَرَبَ لَنَا مَثَلًا وَنَسِيَ خَلْقَهُ قَالَ مَنْ يُحْيِي الْعِظَامَ وَهِيَ رَمِيمٌ * قُلْ يُحْيِيهَا الَّذِي أَنْشَأَهَا أَوَّلَ مَرَّةٍ وَهُوَ بِكُلِّ خَلْقٍ عَلِيمٌ * الَّذِي جَعَلَ لَكُمْ مِنَ الشَّجَرِ الْأَخْضَرِ نَارًا فَإِذَا أَنْتُمْ مِنْهُ تُوقِدُونَ) [يس: 78-80].
فيه كتييير بينكر احياء الموتى وبيقولوا ان الانسان لما بيموت بيتحول الى تراب وعظام وبعد كدة بتبلى العظام وتتهالك ودي النهاية .. فربنا رد عليهم في قوله تعالي (قُلْ يُحْيِيهَا الَّذِي أَنْشَأَهَا أَوَّلَ مَرَّةٍ)الدليل الاول*ـ اللي خلق العظام اول مرة قادر على اعادة بنائها من جديد ..
المهندس اللي بنى برج من مواد اولية ( طوب ورمل واسمنت وخلافه ) بعد ان يهلك البناء..ايه اللي بيحصل المهندس قادر على اعادة بنائه من جديد صح الكلام طب ده بشر فما بالك برب البشر اللي خلق الانسان من شوية تراب ....
الدليل الثاني (الَّذِي جَعَلَ لَكُمْ مِنَ الشَّجَرِ الْأَخْضَرِ نَارًا) اللي هيأ الظروف للشجر بعد ما تسقط اوراقها وبتموت بتنزل وتتحلل تحت التراب ومش يبقى لها اي اثر .. يتركها تتخمر وتتحول الى غاز وفحم ...وبعد سنين بنخرجها تاني على شكل وقود يشعل نار ونستفيد بيه وتعيش عيشة جديدة بشكل جديد قادر على ان يخلق ظروف جديدة بقوانين جديدة يرجع فيها حياة البشر بعد موتهم
ليه ربنا ضرب لنا المثل ده وايه علاقة العظم بالشجر اول اجابة هتخطر ببالنا مافيش اي علاقة بينهم !!! الحقيقة اللي اكتشفت حديثا دراسات تؤكد ان فيه علاقة قوية بينهم !!! ايه الدراسات دي ؟؟؟
فيه علماء ايطاليون اكتشفوا طريقة جديدة لصناعة العظام من خشب بعض الاشجار :) فيه عظام بتهلك بسبب الحوادث والامراض زي الهشاشة وخلافه عشان كدة قعدوا يدوروا على بديل للعظم ده يكون شبهه وجدوا ان بعض الاشجار فيها مواد مناسبة لصناعة العظام ويعتمد الاكتشاف العلمي الجديد على تحويل الخشب إلى مادة صلبة قوية التحمل تحاكي إلى حد ما خواص العظام البشرية، وتقول الباحثة "أنا تامبيري" Anna Tampieri رئيسة مجموعة البحث: إن تصنيع العظم يتم بتسخين الخشب عدة مرات ومعالجته بضغط عال مع تغيير التركيب الكيماوي له بإضافة الكالسيوم والفوسفات إليه ليصبح مادة قوية وشديدة التحمل يمكن لحمها بالعظام الحقيقية ثم يتم العمل على جعل بنيتها الداخلية مماثلة لعظام الإنسان. يُصنع العظم الصناعي من خشب الشجر بعد تعريضه للحرارة ومعالجته ببعض المواد الكيميائية، والنتيجة عظم يشبه العظم الطبيعي ولكن لا روح فيه! حسب مجلة كيمياء المواد
اخوتي الاعزاء .. صناعة العظم من الشجر حاجة جديدة وغريبة بالنسبة لنا ماكنش حد يعرفها لما نزل القران وبما ان القران استخدم الشجر في موضع احياء العظام وهي رميم فـدة دليل علي وجود علاقة خفية بين العظم والشجر ... ولكن العظم الذي صنعه الله تعالى يتميز بنفخ الروح فيه على عكس العظم الذي صنعه البشر حيث لا روح فيه. علم الانسان ما لم يعلم سبحان الله العليم القدير ربنا استخدم الحقائق العلمية دي عشان يثبت صدق وعده واللي أنكر منهم إعادة خلق العظام، يحتاج لدليل علمي ليقتنع بأنه من الممكن تصنيع عظام من مادة الشجر على يد البشر، ومن البديهي أن الله أقدر وأعظم من عباده، فهو قادر على إعادة تصنيع أو خلق هذه العظام من جديد
الأربعاء فبراير 17, 2021 9:37 pm
