هداية ربنا وانواعها

الاول عايزين نعرف ايه هي الهداية ونعرف انواعها 

ربنا خلق لينا الهدايه ورزقنا بيها وخلاها اربع انواع

1* هداية فطرية 
دي اول نوع  طب يعني ايه ؟؟؟  اكيد هنعرفها من المواقف اللي جاية 
هي يا فتوكتي الحلوة   بتتولد معانا يعني موجودة فينا  وبنهتدي ليها من غير اي حد يتدخل فيها ويعلمهالنا ازاي؟؟
المولود اول ما يولد بيعرف يرضع لوحده ازاي ؟؟ ومحدش علمه ولا حتي امه هي بتشيله وتقربه منها وهو بيرضع لوحده مين علمهاله ؟؟؟ سبحان الله  ربنا اللي علمه
هي دي الهداية الاولي واسمها هداية فطرية طب شفناها  فين كمان يا بت يا فتوكة افتكري اه افتكرت 
*****************
 ف الغابة في التليفزيون ( لما نشوف عالم الحيوان بتاع زمان لو حد فاكر ) او حديقة الحيوان 
بنشوف التمساح الكبير فاتح فمه وكمية عصافير مهولة داخل فمه ايه ده ؟؟؟ 
هما بياكلوا الاكل اللي داخل ف سنانه ومضايقاه يعني بينضفولوا سنانه مجانا :)
طب مين اللي علمهم؟؟ طب هما مش خايفين ياكلهم !! لو قربتي من بعيد ناحية اي عصفور ع سور البلكونة مثلا هتلاقيه شابك من بعيد وطااااار لاخر الشارع صح ؟ سبحان الله   طب مين اللي علمهم يدخله فمه وميخافوش ؟؟  طب فيه حد من البشر دربهم علي الحركة دي لالالالالالالا  ربنا لوحده اللي هداهم للحركة دي ..  

2* هداية ارشادية 
الهداية التانية اسمها ارشادية محتاجة مجهود شوية مش ينفع تعرفيها لوحدك لازم حد يساعدك فيه زي ازاي نعبد ربنا ازاي نصلي وازاي نصوم ازاي نمارس العبادة ؟؟
 لازم حد يعلمنا صح؟؟ ربنا رزقنا بالرسول عليه الصلاة والسلام ( صلي عليه) هو اللي يعلمنا نعبد ربنا ازاي والطريقة الصحيحة ايه ؟؟ طبعا مش لوحدك 

5* هدايا توفيقية 
اسمها جاية من توفيق وهي  هداية خاصة  بالله وحده محدش يقدر يعملها يهديها من يشاء في اي وقت شاء 
 توفيق ربنا ليك في اي حاجة بتعمليها زي ايه مثلا تذاكري طول السنة وتدخلي الامتحان  وتحطي ايدك علي قلبك يارب انجح مين اللي هينجحك ؟؟؟ المدرس  ؟؟ والدروس لالالالالالالالالالالالا محدش يقدر يعملك حاجة  ربنا بس هو اللي هوفقك 
 ********************
موقف تاني واحد تقوليله ليل نهار وطول عمره  اتقي ربنا حرام عليك وهو مافيش فايدة  لدرجة انك قولتي ف نفسك مافيش فايدة فيه ده هيتحدف ف نار جهنم  حتف  ومرة شاف موقف بسيط ادامه  في اخر عمره وقال تبت الي الله ومات هو تايب  مين اللي هداه ؟؟ ربنا 
محدش يقدر على الهدايا التوفيقية  دي غير ربنا  كلنا بنعبد ربنا ومش عارفين اخرتنا هتبقي ازاي يا بخته اللي ربنا يهديه للتوفيق ويدخل الجنة 

4*هدايا اخروية 
يعني ايه دي بقي مش هتشوفيها ف الدينا لانها مش موجودة هي ف الاخرة 
لما ببعث هنوصل لارض المعشر والحساب ازاي ؟؟ تعرفني عنوانها دلوقت؟؟ اكيد لا 
طب هتاخدي كتابك من فين طب الصراط اللي هتمشي عليه من اي طريق؟؟
طب الجنة  لما ربنا يرزقك بيها ياااارب  هتروحيها بايه بمواصلة ولا علي رجلك طب عنوانها , .... كل ده ربنا هيعلمهولك ف الاخر مش هنا  عشان كدة اسمها اخروية 
ربنا قالنا في القرآن الكريم علي الرسول صلي الله عليه وسلم

1*انك لا تهدي من احببت ولكن الله يهدي من يشاء 
وكمان قال
  انك لتهدي الي صراط المستقيم   
طب ايه دى يعني الرسول يهدي ولا مش بيهدي ؟؟؟؟؟ اللي مش فاهم هيتلخبط ويشوف ان القران فيه ايتين عكس بعض 
فكروا شوية قبل الاجابة 
الاولي ربنا قال للرسول انك لا تهدي يعني مش هتقدر عليها هتقي ايه خاصة بالله وحده ( الهدايا التوفيقية )

اما الثانية ( لتهدي ) هدايا ارشادية ربنا رزقه بيها عشان يعلمنا نعبده ازاي 
بمعني بسيط خالص  ربنا هدي الرسول هدايا ارشادية عشان يعلم ويرشد بيها الناس للطريق الصحيح  مش هدايا توفيقية واللي هي  يدخل بيها الناس الجنة والنار