2180 تاريخ التسجيل : 08/01/2021 العمر : 3 الموقع : اسكندرية عروس البحر الله غالب على امره
موضوع: أمي علمتني من زماااان إزاي أسخن الرز... الخميس نوفمبر 25, 2021 7:54 pm
أمي علمتني من زمان إزاي أسخن الرز...
بعد ما كانت بالنسبالي عملية شاقة تسخينه .. طبعا ده لما كنت لسه بتعلم الطبخ.. ممكن يطلع معجن أو يشيط مني
وفى كتير من البنوتات الشطورات إللي لسه بتتعلم بتعاني لما تعمل الرز ويبرد وتعوز تسخنه تاني فى الحلة انا بقى هقولكم على طريقة أمي ربنا يديها الصحة وطبعا جدتي إللي علمتنا أحنا الأتنين الله يرحمها ويغفرلها...
لاعادة تسخين الرز بطريقة هتخليه زى كأنك لسه عمله طازه .
بصي ياستي تحطيه على عين البوتاجاز عادي لحد ما تلقيه طلع صوت طق طقة اول ما تسمعي صوتها تحطي حبة ميه...حبة مية مش تغرقيه ميه وتقفلي عليه كويس وتوطي النار عليه خالص وممكن تحطيه على اصغر عين للبوتحاز وتسبيه لحد ما يسخن يعني حوالى ١٠دقائق وبكده هيسخن وهيكون كأنك لسه عامله طازه وكمان علشان تخلي الرز مفلفل بعد ما تسويه حطي عليه معلقتين زيت طعام أو سمنة اي نوع بتستخدميه ورشة ميه وقلبيه وسبيه شويه قبل ما تطفئ عليه هيكون مفلفل معاكي ولذيذ وكمان لو مش عاوزة الرز يلزق فى الحله قبل ما تطفئ عليه روشى عليه حبة ميه وقفلي عليه الحله وسبيه حوالى ٥دقائق هيبقى زي الفل
الخميس نوفمبر 25, 2021 7:54 pm
تحطيه على عين البوتاجاز عادي لحد ما تلقيه طلع صوت طق طقة اول ما تسمعي صوتها تحطي حبة ميه...حبة مية مش تغرقيه ميه 
