الأوسمة : 128 تاريخ التسجيل : 10/02/2022 العمر : 27 الموقع : مصر حلو
موضوع: ثقتك بنفسك بتبدأ من جواكي السبت مارس 05, 2022 8:16 pm
[rtl]"ثقتك بنفسك بتبدأ من جواك" :purple_heart:[/rtl] [rtl]من الأسئلة اللي لفتت انتباهي الفترة اللي فاتت سؤال جميل جدا "إزاي أكون واثق في نفسي ؟".[/rtl] [rtl]ثقتك بنفسك هي تقديرك لذاتك تقديرك لقدراتك وصفاتك ،باختصار يعني هي( رأيك ايه في نفسك ).[/rtl] [rtl]ثقتك بنفسك بتنعكس على كل حاجة في حياتك ؛لأن كل ما كانت ثقتك في نفسك أعلى وملهاش حدود كل ما كانت نظرتك تفاءلية اكتر للحياة و كل ما هتحب تحقق نجاح اكتر وقادر على تخطي ومواجهة اي حاجة صعبة ممكن تحصلك .[/rtl] [rtl]قلة الثقة بالنفس أسبابها كتير زي مثلا :[/rtl] [rtl]• إنك تكون نشأت في بيئة أو مكان بتتعرض فيه ديما المقارنات أو العبارات السلبية زي ( ابن خالتك افضل منك ،انت مش هتنفع).[/rtl] [rtl]• بعض الصدمات زي (المرض ،فقدان شخص غالي عليك).[/rtl] [rtl]• طموحاتك اكبر من قدراتك وصعب تحقيقها .[/rtl] [rtl]دلوقتي هتعرف إزاي تقدر تثق في نفسك اكتر:[/rtl] [rtl]•هات ورقة واكتب فيها الأفكار السلبية عن نفسك اللي انت معتقد إنها فيك زي ( انا شخص فاشل .....) .[/rtl] [rtl]في نفس الورقة اكتب المميزات اللي انت شايفها في نفسك أو اللي أصحابك وأهلك بيقولوها عنك زي (أنا صديق رائع، أنا شاطر في حل الكلمات المتقاطعة ....) وكل ما تظهر ميزة اكتبها .[/rtl] [rtl]• ابدأ بص على الورقة دي وغير نظرتك لنفسك لانك هتلاقي المميزات اكتر .[/rtl] [rtl]• اعرف انت شاطر في ايه(أنا شاطر في الطبخ أو الرسم مثلا ) وركز عليه لأن ده هيحسن من مزاجك ونفسيتك جدا .[/rtl] [rtl]• ابدأ في تكوين علاقات إيجابية مع ناس بتدعمك وبتشجعك وابعد عن الأشخاص اللي بتضايقك وبتنتقدك ديما و حط حدود للتعامل معاك مش اي حد يقدر يتعداها.[/rtl] [rtl]• اتعود تقول" لا" على حاجة إنت مش عاوز تعملها ( فكر في نفسك قبل ما تفكر في رضا الناس ).[/rtl] [rtl]• خليك لطيف مع نفسك واتعلم تسامحها لو أخطأت .[/rtl] [rtl]• شوف الناس الناجحة في مجالك وابدأ تابعهم واستفيد منهم.[/rtl] [rtl]• حط لنفسك هدف يتناسب مع قدراتك واهتماماتك عشان تقدر توصلّه.[/rtl] [rtl]أخيراً متنساش إن أغلبنا وإن لم يكن كلنا بيجيلنا فترات بنخسر فيها ثقتنا بنفسنا ،لكن الشاطر اللي يقدر يعدل ده في أسرع وقت ويقوم من تاني..:purple_heart:[/rtl] [rtl]عرفت هتثق في نفسك ازاي؟! :relieved:[/rtl] [ltr][ندعوك للتسجيل في المنتدى أو التعريف بنفسك لمعاينة هذا الرابط] [ltr][ندعوك للتسجيل في المنتدى أو التعريف بنفسك لمعاينة هذا الرابط]
السبت مارس 05, 2022 8:16 pm