الحلقة الأولى
( النية )
السلام عليكم ورحمة الله وبركاته
يا مساء الفل
النهاردة كان أول يوم في رمضان وبيكون ليه طعم تاني غير كل الأيام،
يوم مستنينه بقالنا سنة كاملة إلا شهر :hhhhhh:
ربنا يعوده علينا بخير كلنا ويجعل نيتنا خالصة لوجهه
صحيح ، نويتي الصيام ؟ما هو لازم تنوي صيام الفرض قبل الفجر
فقد قال الرسول صلى الله عليه وسلم في الحديث الذي روته أم المؤمنين حفصة رضي الله عنها:
(من لم يبيت نية الصيام من الليل فلا صيام له)وفي رواية :
(من لم يجمع النية بالليل فلا صوم له) أخرجه الخمسة
بس اوعي تكوني بتمشي في الشقة بتكلمي نفسك وتقولي
أنا هصوم بكرة .. أنا هصوم بكرة
لا لا لا لا
النية مش كده خالص ، النية محلها القلب
تخيلي لو بتاكلي ولو المفروض أنطق النية فالمفروض لما آجي آكل أقول : أنوي بوضع يدي في هذا الإناء أني آخذ منه لقمة ، فأضعها في فمي فأمضغها ، ثم أبلعها لأشبع .
تخيلوا ده يحصل .
أمال أعمل إيه بقى مدام لا أنطق بها سرا ولا جهرا؟ ::252::
الحكاية بسيطة خالص
هو أنا لما بقوم أتسحر في رمضان مش بتسحر علشان عايزة أصوم ؟يبقى كده نويت أصوم.وفي كتير مننا بيقوم يتسحر وهو عارف إنه عنده عذر شرعي ومش هيصوم ، يبقى إيه الفرق بينهم ؟ 
جوايا أو نيتي عارفة إذا كنت قايمة علشان أصوم ولا لأه .مش ساعات بتضربي عن الطعام كام ساعة هو كده يبقى صيام ؟ 
لأه طبعا لأني وأنا مضربة عن الطعام مش بعمل كده وفي نيتي الامتناع عن الطعام والشراب تقربا لله ، أنا مبكولش وخلاص عايزة أخس مثلاأنا تهت يارب مكنش توهتكم معايا .
سلام
أشوفكم بكرة إن شاء الله
ما تنسوش حل السؤال
الجمعة أغسطس 05, 2011 9:31 pm
