نعمة الموت من غير بهدله

الحمد لله كثيرا على نعمه التي لا تعد ولا تحصى حمدا طيبا مباركا. اقرؤوا
الحمد لله اللذي عافانا مما ابتلى به غيرنا ..

طبيب تخدير بيحكي سنة 2007 جراح كلمنى أخدرله ست محروقة علشان يغير على حرقها ، ،
الست كان عندها 22 سنة تقريبا وكانت أنبوبة مفرقعة فى مطبخها وحرقت جسمها من صدرها لغاية صوابع رجلها ،
،
الست مابتبطلش قولة (آه) ، ، ريحة جسمها كانت منفرة ولما الجراح شال القطن والشاش من عليها بقت ريحتها لا تحتمل ، ،
متخيلين الوضع ؟!! ، ،
ست ميتة عايشة فى معاناة كاملة فى كل ثانية فى حياتها ، ، مابتاكلش ، مابتشربش ، مابتنمش لغاية ما يغمى عليها من التعب !!
إقترحت على الجراح فى تانى غيارة ليها لما لقيتها لسه على وضعها ده إننا نركبلها قسطرة إبيديورال فى ضهرها ( نوع من القساطر بتركب فى طبقة ما من المسافات اللى بين فقرات العمود الفقرى بيتحقن فيها مواد مخدرة تزيل الإحساس بالألم) ، ،
وفعلا ركبتلها القسطرة وحقنتلها فيها أول جرعة
وكانت الإستجابة الدراماتيكية الرهيبة مفرحة للغاية ، ،
الست هديت تماما وبدأت لأول مرة من فترة تفتكر إن فيه كلام تانى بيتقال فى الدنيا غير كلمة (أه) ، ،
.
وبدأت تعيط بس مش من الألم من فرحتها إنها مابقيتش حاسة بالألم !!
نسبة الحرق فى جسمها كانت كبيرة والحالة اللى وصلت ليها كانت تستحيل معاها الحياة وفعلا ماتت بعد شهر بس على حد قول جوزها للجراح (الحمد لله ماتت من غير بهدلة )
..
متخيلين حضراتكم ؟!! فيه ناس بتتحرم مرة واحدة من كل نعمة فى حياتها ويبقى كل مناها إنها بس تموت من غير بهدلة،
تأكد مهما تعرضت لإبتلاءات إن فيه ناس غيرك فى إبتلاء أشد وأقسى وحاول تعد نعم ربنا عليك بينك وبين نفسك علشان ترضى باللى إتبقالك ويهون عليك اللى نقص منك .
أين الحامدون ؟!!
الف حمد وشكر يا رب

_______________

ايمان البنداري

الحمد لله اللذي عافانا مما ابتلى به غيرنا ..

الحمد لله

_______________

ايمان البنداري

» اللسان الجميل نعمة
» اللسان الجميل نعمة
» صنع الفرحة نعمة اختص بها الله بعض من خلقه هل انت منهم ؟؟؟
» إذا لم يكن من الموت بد .. فمن العجز أن تموت جبانا ..
» يتمنى لأمه الموت قصة مؤثره