علمي إبنك إزاي يكون راجل ....

علمي إبنك إزاي يكون راجل

لما حاجه تبوظ في البيت من فضلك متتصليش بالصنايعي دي مش مهمتك

علمي إبنك يتصل بيه وياخد منه ميعاد ويقف معاه كمان

متشليش طبق الغسيل علي قلبك .. نادي علي إبنك يشيله

متجريش تلبسي الإسدال علشان تفتحي الباب .. إبنك يقوم يفتح

متشليش شنط السوق ولا السوبر ماركت ... معاكي رجاله هي اللي تشيل (ويبقي الولد فاهم إن الراجل هو اللي يشيل .. مش إن ماما بتتدلع مثلا )

علميه يفتحلك باب الأسانسير وباب العربيه (خليه يدلعك علشان يعرف يدلع مراته كمان )

سيبيه ينزل يشتري طلبات البيت متخافيش وتوكلي علي الله (متنتقديش الحاجه اللي جابها حتي لو مش نفس النوع اللي عايزاه ..والله يا ستي مش مهم جاب مكرونه الملكه ولا مكرونه العفريت ..والمهم إنه إتحمل مسؤليه ..وإبقي علميه إنتي بتجيبي أي نوع علي مهلك )

علميه يعمل شاي وقهوه ومشروبات سخنه .. وتعالي قوليله إن نفسك تشربي كذا من إيده ..(خليه يطلع حنين ويحس بيكي لما تكوني تعبانه يعملك لوحده )

متجيش علي نفسك وتعملي جمعيات وتنهكي علشان تشتريله حاجه ..خليه يتعلم الصبر وإن في يوم معانا فلوس ويوم مش معانا ..
الحياه صعبه خليه ينشف شويه ويستحمل

خليه يوصل أخته الصغيره مثلا للحضانه ويتعلم يخلي باله منها وإشكريه ..ميتعودتش إن أخته ومامته نازلين وهو قاعد قدام التليفزيون ...قوليله تعال معانا علشان تخلي بالك مننا

_______________

ايمان البنداري

فى مثل فلسطينى يقول

ربى يا خايبه للغائبه

» كيف يمكنك تعليم الطفل القراءة بأسلوب علمي صحيح؟
» أمي علمتني من زماااان إزاي أسخن الرز...
» راجل عايز الحرق
» الست عاوزة راجل بمعني الرجولة الصح
» اوعي تسمعي شدي واقسي عليه عشان لما يكبر يبقى راجل