ازرعوا اشجار ليمون في الشوارع

ازرعوا اشجار ليمون في الشوارع

الناس اللى بتسال ليه زراعة اشجار الليمون فى الشوارع بدل أشجار الزينه ؟؟ هقولك

اولا: رائحة أزهارها جميلة فا الناس هتشم ريحة ازهار الليمون بدل العرق الصيفى وعوادم الشتاء

ثانيا: الأشجار ما بتاخدش مياه كتير موفرة ولما تعطشها فترة وتسقيها بتطلع ازهار بيسموه بتوع البساتين (( التصويم الكبير والصغير )) يعطش الشجرة ويسقيها مرة واحدة تطلع ازهار

ثالثا: مقاوم للأمراض فامش هيحتاج لمصاريف مكافحة كتير

رابعا: الشجرة فيها شوك هتقولى طب ماهو دا غلط اقولك لاء دى ميزة الشوك بيحمى الشجرة من تسلق الاطفال

خامسا: الجذور مش بتضر الاسفلت لأن الجذور بتاعته شعيرية مش وتدية تخترق الاسفلت زى أشجار الزينه وللاسف بيتغير الاسفلت ومصاريف بسبب جذور الأشجار

سادسا: ثمار الليمون تكون صدقة جارية على اللى زارعها

س. طيب هنزرع وهيجى ناس تقلع الشجر هنعمل ايه ؟
ج. مش مشكلة هنزرع مره واتنين لحد ما تتأكد أنها أصبحت واقع وثقافة كانت الفكرة بمنتهى البساطة أن كل واحد عاوز يعمل صدقة جارية يشترى شجرة ليمون من اى مشتل جنبه ويزرعها بجوار منزله أو فى الحدائق أو فى الطريق زى ما زرعت واحنا بنزرع لله وحده مش للبشر ربنا الحامى احنا بناخد بالاسباب.

اتمنى التعميم في كل الاحياء والشوارع وما تقطعوش الشجر المثمر

تحياتى

_______________

ايمان البنداري

» عصير ليمون بالنعناع