ازاي نعلم ولادنا الصلاة بالحب

سؤال : إزاى نعلم ولادنا معنى #الصلاة لحب مش مجرد أمر ؟

أولا و آخرا الدعاء.." ربي اجعلني مقيم الصلاة و من ذريتي "

من سن صغيرة الربط الشرطي عند الطفل بين الأذان و الحركة في البيت
الأذان بيأذن ماما بتتوضأ و تصلي....

ما تزعقيلوش عشان هتصلي ...

و لا تبعديه عنك وقت الصلاة (سنة  النبي صلى الله عليه و سلم )

ولا تنهريه عشان دايقك وقت الصلاة عشان ما يكرههاش ...

بعد شوية ...أتكلم عن الصلاة إني بصلي عشان باحب ربنا و محتاجة أكلمه.....

التحدث عن الصلاة بإيجابية دايما....

بحبها ...
برتاح فيها...
أمر ربي اللي بحبه......

ربط الصلاة بالأمور المحببة.....
مثلا هننزل النادي بعد صلاة المغرب....
هنطلع البحر بعد العصر إن شاء الله...

لما يبدأ سن الامر بالصلاة (سبع سنين هجري )

دول 3 سنوات تدريب و تحبيب في الصلاة ...
بكل السبل ....

جداول ...

تحفيز...

من مميزاتك انك رجل مصلي

حضن و نظرة اعجاب بعد ما يصلي 🧡🧡

احكي لوالده انه صلى اليوم كذا ....

ده أنا حلم حياتي اني اشوفك بتصلي...

أنا سعيدة جدا بفضل الله عليك انك صليت الظهر...

فكريه بالصلاة قبل اللعب او الكرتون عشان يسهل عليه الاستجابة..

و بعد فترة ممكن تفهميه معني من ترك شيئا لوجه الله أبدله الله خيرا منه لما يسيب اللعب او الكرتون عشان الصلاة ...

لو طلب منك لعبة او خروجة قوليله ادعي في الصلاة و ريك يدبرها ...

و حاولي فعلا تستجيبي له ....

عرفيه ان الارض تشهدله لما بيصلي في النادي و لا المول ...

و فهميه أنه اجره عظيم لما يذكر أصحابه بالصلاة ...

الابتسام فى وجه الأطفال في المسجد و مصافحتهم و سؤالهم عن أحوالهم باهتمام زي الكبار.....

توزيع الحلوى على الأطفال في المسجد و أخلي طفلي يعمل كده.....

أقوله عشان تقول للنبي صلي الله عليه و سلم لما تقابله عند الحوض أنك كنت بتحبب الأطفال في بيت الله.....

أعطيه مسئولية مثل تعطير المسجد أو تنظيفه معي....

التكلم عنها بإيجابية أنت دايما فتاة بتحافظ على صلاتها.....

  عمل حفل لبداية التدريب على الصلاة ...

شرح  بعض معاني حركات الصلاة او معاني الآيات التي يتلوها كل ما يفتر عن الصلاة ...

تذكيره بأحاديث فضل الصلاة و أجرها ...

التبرأ من حولي و قوتي  و أنهم لن يصلوا إلا بفضل الله و رحمته و هداه