اللهم اجعل همي الاخرة

سبحان الله 

[rtl]

كل الناس تعبانين ومهمومين
مهما اختلف الابتلاء ( مرض - مشاكل - قلة ذات اليد - ......)
مش بنشوف ولا بنكلم حد الا بيشتكي من حاله وتعبان وحزين ومهموم حتى لو فضفضة مش اعتراض وحتى لو راضي مش ساخط
البسمة اختفت او بقت ابتسامة مصطنعة والضحكة من ورا القلب
عارفين أفضل علاج لكل ده ايه ؟
دعاء بسيط لكن معناه عظيم
" اللهم اجعل همي الإخرة "
لو عيني على الآخرة
لو عيني على الجنة ونعيمها
لو عندي يقين إن الدنيا زائلة
لو عندي يقين إن الحياة الحقيقية في الآخرة واننا ضيوف في الدنيا
ساعتها هأقول
فيها ايه لو تعبت أو مرضت ! المهم راضي عني يارب ؟
فيها ايه لو العيش ضاق والحياة بقت صعبة !مش مهم بيت فخم في الدنيا ، مش مهم شقة تمليك ولا مهم يكون فيها أفخم الأثاث كل ده هنسيبه ...لكن المهم ربنا يبني ليا عنده بيت في الجنة
فيها ايه لو حاربوني في الشغل ولا في العيلة ولا حتى كل الناس وقفت ضدي علشان ماشي ضد التيار وباحاول أرضي ربنا ! مش مهم رضاهم ..المهم إنت راضي عني يارب؟
فيها ايه لو تخلى عني الناس كلهم المهم بيني وبين ربنا عامر ..
فيها إيه لو ربنا مرزقنيش بزوج أو ولد المهم حياتي مليانه بقربك ورضاك يارب؟!
ركز بس على إن ربنا يكون راضي عنك وقرب منه
ساعتها هتحس إن كل همومك ولا حاجة وهتلاقي ربنا فتح لك أبواب الخير كلها من حيث لا تحتسب
انسى هموم الدنيا فكلها ولا حاجة قدام الهدف الأسمى
خلي همك بس الاخرة
همك إنك ترضي ربنا
همك إنك خايف متوصلش بعملك للجنة
همك إنك خايف تدخل النار
وساعتها كل هموم الدنيا هتختفي
قال صلى الله عليه وسلم : ( مَنْ كَانَ هَمُّهُ الْآخِرَةَ، جَمَعَ اللهُ شَمْلَهُ، وَجَعَلَ غِنَاهُ فِي قَلْبِهِ، وَأَتَتْهُ الدُّنْيَا وَهِيَ رَاغِمَةٌ، وَمَنْ كَانَتْ نِيَّتُهُ الدُّنْيَا، فَرَّقَ اللهُ عَلَيْهِ ضَيْعَتَهُ، وَجَعَلَ فَقْرَهُ بَيْنَ عَيْنَيْهِ، وَلَمْ يَأْتِهِ مِنَ الدُّنْيَا إِلَّا مَا كُتِبَ لَهُ ) .

حبيبتي ام كريم 

تسلميلي