كلنا عندنا هموم وتعب ومشاكل
والاكيد ان ربنا مبيحملش حد فوق طاقته
والطبيعى اننا نتوجع ونتألم
لان دى أكتر طريقه بيها هنكبر صح ونتعلم
كل واحدة مننا فيها ما يكفيها وزيادة
لكن مش طبيعى لما يجى حد يفضفض معانا نستهزء بيه
حتى لو من الداخل
لان الشخص اللى اختارك عشان يفضفض معاكى عن همومه
اختارك عشان تبقى سند له فى لحظة ضعف
مهما كان أمره بسيط بالنسبةلك ومهما كان همه ووجعه اقل
بمراحل من كل اللى بتمرى بيه مش طبيعى ابدا
انك تقللى من مشاعره او حتى تستخفى بالكلام معاه
بمنتهى البساطه ربنا خلقنا بشخصيات وعقول وقدرات مختلفه
وحتى طاقتنا مختلفة كل شخص بيتحمل غير التانى
يبقى الطبيعى اننا دايما نقف جانب بعض انسانيا
بدافع الإنسانيه والثواب والكلمة الطيبه اللى أمرنا بيها النبى
صلى الله عليه وسلم
لازم نتحمل بعض ونحس ببعض ونراعى شعور بعض
وفى النهاية اختم كلامى بحديث النبى صلى الله علية وسلم
(( من كان يؤمن بالله واليوم الآخر فليقل خيراً أو للصمت )) .
(( الكلمة الطيبة صدقة )) .
(( من فك كربة مسلم فك الله له كربة من كرب يوم القيامه )) .
وفك الكربه مش مادياً فقط لكن معنوياً كمان ..