خلافات ولكن

موضوع: خلافات ولكن الأربعاء نوفمبر 10, 2021 7:55 pm

خلافات ولكن

النهارده هنتكلم عن موضوع بسيط لكن اثره كبير جدا في العلاقات الزوجية ، وبيوت كثير بتفشل بسبب الوقوع في هذا الامر

موضوعنا النهارده عن خلافات البسيطة

فلا تتصيد لشريكك المشكلات بملقاط ، لا تقف عند كل كبيرة وصغيرة ، اعطه مساحة معقوله من الاخطاء البسيطة ، تعلم ان تتغافل عن عيوبه او اخطائه البسيطة

وتقبل انه لايوجد انسان بلا عيوب حتى انت ، وركز اكثر على ايجابياته

فلا تتوقع انه بكثرة النقد والعتاب واللوم على كل كبيرة وصغيرة هيتغير كما تريد وهتعيش في هنا بعد ذلك !!

لان واقع الامر انت بتبعده عنك لانه بيحس انه غير مرغوب منك ، وبتخليه يكره نفسه وحياته معاك .

فكثرة الخلافات على كل الامور الكبيرة والصغيرة كمان بيولد الجفا والكره .

ياريت نتعلم انه في بعض الكلمات البسيطة التي تضايقنا من شريكنا منخدهاش على اعصابنا ، بل ممكن الموضوع يعدي فيها بشوية هزار وكوميديا ، او بشوية دلع وتحسسيه بثقتك بنفسك

مثال على ذلك

الزوج وهو متضايق : كنتٍ فين ياست هانم كلمتك ومردتيش علي آه مهو انا مش مهم

الزوجة وقد كانت مشغوله ولم تسمع جرس التليفون :

الطريقة الاولى في ردها عليه

" خنقتني وآه مهو انت مش حاسس بي ولا عارف انا مضغوطه ازاي مع اولادك "

الطريقة الثانية وهي نبرة صوتها فيه ضحكة خفيفة بدلع

" أيه يابيبي وانا كنت وحشاك اوي كدا وبعدين وانا اقدر بردو اكون سامعه جرس اتصالك ومردش على حبيبي "

الطريقة الاولى هتقلب خناقة من مافيش ، والطريقة الثانية هتغير مزاجه والموضوع هيعدي على خير .

المهم عايزين بيوتنا تكون مليانه حب ودفا ودعم ، وبلاش نمسك لبعض على الواحده

ودمتم على خير ⚘

رشا حمودة

المستشارة الاسرية وممارس الدعم النفسي وتطوير الذات

_______________

ايمان البنداري

» 10 أمور تولد خلافات بين الزوجين
» التفاصيل الكاملة لمقتل خفير نظامى بالمعاش على يد نجليه بالمنيا.. تخلصا منه بضربه بحجر على رأسه بعد خلافات على الميراث
» قصه مشاكس ولكن
» التحقت بوظيفة جديدة ولكن ...!!!