الحلقة 15من مسابقة سمعتى كلام الحبيب .. طيب يلا نطبقه ، كل سنة وإنتم طيبين
3 مشترك
كاتب الموضوع
رسالة
منة الكريم الرتبة : آنسة متميزة
الأوسمة : 101 تاريخ التسجيل : 24/02/2011 الموقع : https://fatakat2.yoo7.com/forum
موضوع: الحلقة 15من مسابقة سمعتى كلام الحبيب .. طيب يلا نطبقه ، كل سنة وإنتم طيبين الثلاثاء أغسطس 16, 2011 7:34 am
الحلقة 15 : ( الصيام أم الفطر في السفر)
اليومين دول أجازة وكتير بيسافر وهو صايم ياترى بتعملي إيه ؟ بتصومي ولا بتفطري ؟ طيب إيه الأحسن فيهم ؟ دخلت على الحامي على طول معلش
ها إجابتكم إيه ؟
تمام ماشي يا ستي ناس بتصوم وناس بتفطر
صوتكم علي ليه ؟ بالراحة مش عايزين خناق إحنا صايمين نسيتوا ولا إيه ؟ اللهم إني صائمة
تعالوا نشوف رسولنا قدوتنا عليه أفضل الصلاة والتسليم قال إيه . عندنا حديث أنس بن مالك رضي الله عنه قال : " كنا نسافر مع النبي صلى الله عليه وسلم فلم يعب الصائم على المفطر ، ولا المفطر على الصائم " رواه البخاري
وفي حديث أخرجه البخاري برضه ورواه جابر بن عبد الله رضي الله عنهما قال : " كان رسول الله صلى الله عليه وسلم في سفر ، فرأى زحاما ورجلا قد ظلل عليه ، فقال : ما هذا . فقالوا : صائم ، فقال : ليس من البر الصوم في السفر " .
انتي هتلخبطينا ولا إيه ؟
بالراحة عليه شوية يا جميل هرد عليكي أهو
بالنسبة للحديث الأول في رواية للحديث تانية بتقول " فَقِيلَ لَهُ إِنَّ النَّاسَ قَدْ شَقَّ عَلَيْهِمْ الصِّيَامُ وَإِنَّمَا يَنْظُرُونَ فِيمَا فَعَلْتَ فَدَعَا بِقَدَحٍ مِنْ مَاءٍ بَعْدَ الْعَصْرِ " .فوصف من صام مع المشقة الشديدة بالعصاة .
أما الحديث الثاني صحيح الصحابة جعلوا عليه شيء يظله من الشمس لما حصل له من شدة العطش وحرارة الصوم ، فمش من البر أي ليس من الطاعة والعبادة الصوم في السفر إذا وصل الصائم للدرجة دي من المشقة والتعب . تمام كده ؟
النهاردة شكله يوم الاعتراضات
اتفضلي يا جميل
أمال حديث أبي الدرداء رضي الله عنه اللي رواه البخاري ومسلم إيه بقى ؟ عَنْ أَبِي الدَّرْدَاءِ رَضِيَ اللَّهُ عَنْهُ قَالَ خَرَجْنَا مَعَ رَسُولِ اللَّهِ صَلَّى اللَّهُ عَلَيْهِ وَسَلَّمَ فِي شَهْرِ رَمَضَانَ فِي حَرٍّ شَدِيدٍ حَتَّى إِنْ كَانَ أَحَدُنَا لَيَضَعُ يَدَهُ عَلَى رَأْسِهِ مِنْ شِدَّةِ الْحَرِّ وَمَا فِينَا صَائِمٌ إِلَّا رَسُولُ اللَّهِ صَلَّى اللَّهُ عَلَيْهِ وَسَلَّمَ وَعَبْدُ اللَّهِ بْنُ رَوَاحَةَ " احنا احتارنا نصوم ولا نفطر ؟ آخر كلام ؟ ازاي الرسول صلى الله عليه وسلم يقول ليس من البر الصيام في السفر ويصوم رغم إن الحر شديد أهو زي ما ورد في الحديث؟
أقولك ياستي الموضوع بالتفصيل ولا تزعلي إحنا عندنا 3 حالات :
1- الصوم وعدم الصوم زي بعض يعني مسافرة ومش حاسة بأي تعب خالص يبقى في الحالة دي الصوم أفضل
2- الصوم هيتعب المسافر بس مش قوي ، يعني نقدر نقول نص نص يبقى الفطر أفضل والصيام مكروه
3- الصيام فيه مشقة كبيرة على المسافر ويكون مش قادر يستحمل خالص يبقى الصوم حرام
وصلت ؟ كفاية كده النهاردة طولت عليكم
سلام يا حلوين
_______________
سارة سرسور يعجبه هذا الموضوع
Admin General manager
الأوسمة : 1186 تاريخ التسجيل : 13/02/2011 العمر : 23 الموقع : https://fatakat2.yoo7.com/
موضوع: رد: الحلقة 15من مسابقة سمعتى كلام الحبيب .. طيب يلا نطبقه ، كل سنة وإنتم طيبين الثلاثاء أغسطس 23, 2011 3:08 pm
جزاك الله خيرا
_______________
سارة سرسور مشرفة
الأوسمة : اللهم اغفر لي وأحسن خاتمتي 2226 تاريخ التسجيل : 09/01/2021 العمر : 35 الموقع : مصر - الغربية الحمد لله
موضوع: رد: الحلقة 15من مسابقة سمعتى كلام الحبيب .. طيب يلا نطبقه ، كل سنة وإنتم طيبين السبت يناير 23, 2021 3:39 am
_______________
جميع موضوعاتي وردودي هنا صدقة جارية لروح والدي أحمد ابن منيرة
سارة سرسور يعجبه هذا الموضوع
الحلقة 15من مسابقة سمعتى كلام الحبيب .. طيب يلا نطبقه ، كل سنة وإنتم طيبين