خناقات العيد بين الزوجين

خناقات العيد بين الزوجين

للأسف كثير من الأزواج بيتخانقوا في العيد و بيضيع فرحته بسبب الخناقات والخصام

طيب تعالوا نتكلم في حاجات مهمة ممكن تساعدنا نبعد عن الخناق ف العيد

لما تكون مضغوط لأي كبير او صغير متحاولش تخرج ضيقتك وعصبيتك في شريكك علشان مافيش حاجه اسمها هي او هو المفروض يتحملني !!

يعني بالبلدي كدة انت مش قدرت تمسك نفسك وفرغت فيا عصبيتك امسك نفسي انا واستحملك !!!

انت المسئول الأول تتخلص من احساسك بالضغوط وتعمل اي شيء يسعدك ويغير مزاجك وبالتالي هيكون من السهل ان شريكك يكملك او يشاركك السعادة .
حاول تحس بشريكك وبأحتياجاته ومتركزش فقط على نفسك واحتياجاتها ودا علشان نعرف نلتقي في المنتصف ومحدش يطلب من شريكه اللي عارف انه ميقدرش عليه سواء مصاريف زيادة او طلبات مش هيقدر عليها لأنه مجهد جدا .
مش كل كلمه ضايقتنا نكبرها ونضخمها ونعملها مشكلة وخناقه فأحيانا بعض المشاكل البسيطه تتحل بالهزار واننا ناخدها بضحكة .

ذكر شريكك كل لما تحس انه هيقلبها نكد وشكوى اننا في العيد وهدف الأسرة انها عايزه تفرح وتنبسط في الأيام الجميلة دي وقوله
" انت بتكون رائع لما بتضحك وبتفرحنا معاك "

طبطب على شريكك بدون مناسبه وانت بتقوله
"ربنا يعينك انا مقدر/ه كل اللي بتعمله علشانا "

ودمتم على خير وكل سنة وانتم دايما طيبين وبخير

_______________

ايمان البنداري

» ديكور العيد و بالونات العيد وبوكس العيد
» ليكون العيد مناسبه لبث المحبه بين الاهل قدمى هديه العيد
» حب التملك بين الزوجين
» أسباب الغيره بين الزوجين
» أضرار الصمت الطويل على الزوجين