النية يعني القصد إزاي ؟؟ يعني قصدك ايه من اللي عملتيه او 
س انتي عملتي ... ليه ؟؟ ج عشااان .. كذا .. اللي بعد عشان  هي دي النية 
والنية هي معيار لتصحيح الاعمال يعني لو صلحت النية صلح العمل لو فسدت النية فسد العمل 
والنية دي ليها فوائد ايه هي ؟؟
1* بتفرق بين العادة والعبادة  يعني ايه ؟؟
يعني لو دخل رجلين يأخدوا دش ساقع  ايه اللي فرق بين لعمل الراجل  ده وعمل الراجل التاني ؟؟ اللي هيفرق  النية واحد دخل عشااان يتطهر من جنابة يعني بقت عبادة وهياخد اجر عليه  والاخر دخل عشان ينزل عرقه والدنيا حر   يعني بقت عادة ومش هياخد اجر عليه 
2 بتفرق بين مراتب العبادات ( الفرض والسنة ) 
لو واحد دخل المسجد وصلي 4 ركات والتاني دخل بعده وصلي برضوع 4 ركعات ايه الفرق ؟؟؟ النية واحد نوي انها فريضة الظهر والتاني نوي بيها نوافل سنة الظهر مثلا 
طب نيجي للحديث 
انما الاعمال بالنيات يعني ايه 
يعني لا تكون الاعمال الا بالنية انتي بتعملي العمل ده ليه ؟؟ لا ُيعتد بأي عمل تعمليه الا بنيتك فيه  وإلا هيبقي زي قلته كأنه عاده مش هتاخدي فيه ثواب 
وإنما لكل إمريء ما نوي 
يعني كل فرد  مش هياخد غير اللي نواه  من عمله 
اللي نوي من عمله ارضاء الله فهو لله واللي نوي من عمله ارضاء الناس فهو للناس وهيبقي ساعتها رياء ومردود عليه مش مقبول 
وافة الرياء دي نوعين 
1 *بيعمل عمل وقصده ارضاء الناس  مثلا بيعمل خير ويصلح في شغله عشان رئيسه يرقيه او ينجح في اي انتخابات او ما شبه 
2* بيعمل عمل وقصده ارضاء الله والناس معا يعني بيعمل لوجه الله وياسلام بقي لو حد شافه وقال عليه بيخاف ربنا ياااااه متعة بالنسبة له ولو محدش شافه يتعمد يقول ادام الناس هم عمل ايه  عشان يعرفه 
قال رسول الله صلي الله عليه وسلم :
 ( من سمع سمع الله به ومن راءي راءي الله به ) رواه البخاري 
فمن كانت هجرته إلى الله ورسوله ، فهجرته إلى الله ورسوله، ومن كانت هجرته لدنيا يصيبها ، أو امرأة ينكحها ، فهجرته إلى ما هاجر إليه
اللي عمل حاجة لوجه الله فهي لوجه الله واللي عمل حاجة للناس فهي للناس 
والقصد هنا اما الهجرة من مكة للمدينة  
او الهجرة بقصد التوبة 
فقد ورد عن النبي صلى الله عليه وسلم أنه قال :
( لا تنقطع الهجرة حتى تنقطع التوبة ولا تنقطع التوبة حتى تطلع الشمس من مغربها )
(انا بهاجر المعصية ) بهاجرالمعصية دي ليه ؟؟ عشان ربنا يرضي عني وخايف من عقابه ولا عشان اتزوج من امراه او عشان اكسب حاجة من مظاهر الدنيا  
 هو نيته من الهجره دي  مش هيكسب حاجة غير اللي نواه من عمله