موضوعنا عن الناس.. عن ذيك الوحده.. اللي اذا دخلت نفرتي منها..
او مو شرط هي.. يمكن وحده منكم
تحس الناس ماتحبها.. مالها قبول.. الناس ماتضرب لها حساب… وهالنوعية من هؤلاء..
دايم ترجع الامر لسبب مادي.. عشان فلانه عندهم فلوس تطاول الجبال
المجالس تضرب لها حساب
هي قناعاتها كذا
.
هل تحسين انتي وحده منهم؟
.
الناس ماتتقبلك؟
.
ماتسئلك عنك لو غبتي؟
.
ان كنتي بمجلس وجودك وعدمك واحد؟
.
ان تكلمتى ماحد يديكى وجه؟
.
عوزاكى تجاوبين على هذي الاسئله بكل صدق؟
لان كل سؤال مربوط باللي بعده
ولازم تكون اجابتك كلها نعم بشكل مطلق
ان حصل جواب واحد “لا” يعني تحتاجين تنظيف لنفسك من الداخل
والتنظيف يكون بغسل الذكريات السلبيه عنهم
النظر للايجابيات
واخر شي تساااااامحين.. عشان تقطعين الحبل الاسود اللي يربطك فيهم..
ويخليك تفكرين فيهم بكل سلبيه
.
.
السؤال الأول:
هل تحبين نفسك؟
اذا “نعم” اكملي السؤال
اذا “لا” اقري عن مواضيع رفع تقدير الذات
.
.
السؤال الثاني:
هل تحبين امك وابوك بشكل مطلق؟.. ولا تحملين لهم او لواحد منهم بعض
الآضغان بسبب مواقف سابقه( خاصه بالطفوله )؟
اذا نعم.. اكملي
اذا لا.. حاولي تصلحين مابينك وبين والديك ابسطها تذكرين انك تحبينهم
وتحضنينهم وتشكرينهم وتسامحينهم
.
.
السؤال الثالث:
هل تحبين كل اقاربك واصدقائك؟
نعم.. اكملي
لا.. صححي الامور معاهم وان كان بشكل ظاهري وسامحيهم لوجه الله تعالي
واحتسبيه عند الله
.
.
السؤال الرابع:
هل تحبين شريك العمر 
؟
نعم.. اكملي
لا.. اغلقي الملفات القديمه معه وصححي المواقف.. كرري عليه وعلى مسامعه
انك تحبينه.. وسامحيه على كل اذيه ماضيه.. واشكريه على وجوده بحياتك
.
. السؤال الخامس:
هل تحبين اولادك؟
اعتقد ان الاجابه كلها نعم
وان كان فيه احد لا.. هذا مؤشر لا يبشر بخير
وتحتاج إلى تدخل مختص
لانها ممكن تدمر حياة ونفسية وشخصية هذا الطفل بذنب
لن ينساه لها طول عمره
ودائما اللي تكره اولادها وتعاقبهم منبعه كرهها لنفسها..
لانهم جزء منها فهي تكره وتعاقب نفسها
لذلك قلت تحتاج لمختص
.
.
السؤال السادس:
والأهم بنظري
هل تحبين مجتمعك؟
ان كان لا.. حتى تستحضرين حبه بقلبك.. ابرزي ايجابيات
هذا المجتمع والخير فيه
ورددي ان الناس فيهم خير
وابعدي عن النكت السلبيه عن المجتمع
والبرودكاست واتس اب اللي تضرب في هذا المجتمع.. وتقوض بنيانه..
لانه مايطلع الا من ناس سلبيه.. تبي تنشر سلبياتها على الباقين
ارفضي استقبال مثل هذي الرسايل
اعكسي العبارات اللي يسبون في المجتمع إلى عبارات ايجابيه
.
.
السؤال الاخير:
هل تحبين الدنيا؟
حب الدنيا ماينقص من دينك شي
قال صلى الله عليه وسلم: “الدنيا حلوة خضرة”
.
.
.
اذا كان اجابتك كلها نعم.. مبروووووك فانتي من الناس اللي تحب الناس
تجلس معاها وتفرح بحكاياتها
ان كانت اجابتك على بعض الأسئلة لاااا
اشتغلي على نفسك فيها
ابسطها.. اللي مالهم قبول في المجالس
سبحان الله اذا جلستي معها تسب ابسط شي الدنيا
مثل هالدنيا مالها آمان
الدنيا ماتعطي خير
ليه انخلقت بهالدنيا
واخر شي تتشكى ليه الناس ماتحبها ولا تبيها
معليش وانا اختك لان الجلسه معك تضيق الصدر 
الثلاثاء مايو 18, 2021 10:12 am
