1943 تاريخ التسجيل : 08/01/2021 العمر : 3 الموقع : اسكندرية عروس البحر الله غالب على امره
موضوع: ازاي اتواصل مع الناس السبت سبتمبر 25, 2021 12:12 am
كيف تتحدث مع الناس ؟
عنوان غريب مش كده؟؟
عمرك لقيتي إنك مش عارفة تتواصلي مع حد معين؟؟ رغم إنك فعلا عايزة تكلميه؟ لقيت مرة واحدة مابتحبّيش تتكلمي معاها خالص؟؟ كده لله في لله؟؟ هل مرة لقيتي إنك مش عارفة تبيعي سلعتك للزبون بتاعك رغم إنك حاولتي بكل إخلاص؟
أكيد أيوه.. مش كده؟ طيب.. هنتكلمي النهارده عن حاجة من الحاجات اللي هتفيدك في التواصل مع الناس بصورة أفضل.. والحاجة دي اسمها
(التحدث بإيجابية)
في البداية عايزة أوضح لك حاجة مهمة جدا عن عقلنا اللاواعي هنعرفها من المثال الصغير ده : هاقول لك جملتين عايزك تركزي فيهم قوي وتنفّذ اللي فيهم
ماتفكريش في وردة حمراء
ها ها ها.. ينفع؟ طيب خدي دي كده
ماتتخيّلش سيارة سوداء
ها؟ خدتي بالك من اللي حصل ده؟؟ أكيد أكيد فكرت لا إراديا في الوردة الحمراء وفي السيارة السوداء كمان
إيه اللي حصل ده؟
اللي حصل يا جماعة إن العقل اللاواعي بتاعنا مابيسمعش الكلام قوي.. ببساطة بياخد الجملة ويقعد يفكر فيها كلمة كلمة عشان يقدر يستوعبها.. فعلشان تفهم الجملتيناللي فاتوا كان لازم العقل اللاواعي بتاعك يتخيل الوردة والسيارة السوداء
يعني إيه؟؟ يعني لو أنا عايزة أأثر على العقل اللاواعي للشخص اللي باتكلم معاه, ومش عايزاه يفكر في وردة حمراء.. يبقى لازم الجملة مايبقاش فيها وردة حمراء.. صح كده؟؟
البائع:الأسعار بتاعتنا مش غالية.. احنا مش حرامية و نصابين
الجملة دي غلط تماما وهتأثر في اللاشعور بتاع الزبون.. هيلاقي نفسه ببساطة (مش مستريح) للصفقة دي, ومش لازم يكون عارف ليه.. لكن احنا عارفين طبعا
جملة (مش غالية) دي هيركز اللاشعور على كلمة (غالية) لا إراديا.. والجملةالتانية (احنا مش حرامية ونصابين) هيفهم منها إنهم (حرامية ونصابين).. دهأكيد
يبقى المفروض البائع يقول مثلا: أسعارنا مناسبة جداً.. احنا يهمنا ثقة العملاء
نفهم من كده إيه؟؟
نفهم إن إنت لو عايزة تأثري في اللي قدامك بحاجة, يبقى لازم تستخدم الكلمات الإيجابية المناسبة اللي تخلق جو من الراحة في نفسه.. زي(رائعة) و(ثقة) في المثال اللي فات... واهرب من الكلمات السلبية زي (غالية) و(حرامية ونصابين) حتى لونفيتها.. زي ما عرفنا مع بعض الطبيب: ماتخافش.. الحقنة مش بتوجع خالص هه.. إيه رأيك في المثال ده؟؟
يلاّ مع بعض نطلع الكلمات السلبية أول كلمة سلبية هي: (ماتخافش).. دي هتخليه يخاف أصلا لأننا ذكرنا الخوف ثاني كلمة سلبية هي: (مش بتوجع).. دي هتخليه يتخيل الألم والوجع يبقى المفروض يقولها ازاي؟؟ الطبيب: اطمئن.. هتحس براحة بعد ثواني (ملاحظ إننا ماذكرناش كلمة "حقنة" أصلا؟)
ملحوظة: كتجربة شخصية لشخص ما , لكل الأطباء اللي بيقروا الموضوع ده.. التكنيك ده أفادني كتير جدا -كدكتور - في إقناع المريض بأخذ الحقنة تجنب الكلمات السلبية زي: ماتخافش، ماتقلقش، زي شكة الدبوس كلّمه يا دكتور عن الراحة والشفاء وإن حقنة البنج مريحة لأنها حقنة بنج أساساً
خدتي بالك؟ ببساطة لأن هي دي الحقيقة, بس المهم هنوصلها له بأي طريقة؟ البنت لخطيبها :ماتقلقش يا حبيبي.. عمري ما هاخونك أو أكرهك طبعا كلنا حسينا بصدمة من الكلام ده.. لكن احنا عرفنا ليه.. عشان الكلماتالسلبية زي: ماتقلقش- هاخونك – أكرهك المفروض الجملة دي تتقال كده البنت لخطيبها:اطمئن يا حبيبي.. أنا مخلصة لحبنا وهافضل أحبك على طول شايف الجمال اللي في المعنى؟؟ مع إننا ممكن نلاحظ ببساطة إن الجملتين لهمنفس المعنى
نستفيد من الكلام ده إيه بقى؟؟ نخش على الحكمة بتاعة التهاردة مهم جدا معنى الكلام الذي نقوله.. والأهم هو: كيف نقول هذاالمعنى
استخدم كلمات إيجابيةدائما في حياتك.. ولاحظ الفرق الذي سيحدث في علاقاتك معالناس..واعرف الحقيقة دي.. الناس الليبيستخدموا كلمات سلبية كتير في كلامهم, الناس بتبتعد عنهم ومش بتحب تتكلم معاهم.. افتكر حد مش بتحب تتكلم معاه.. يا ترى إيه السبب؟؟ بيشتكي دايما من الظروف؟ بيشتمكتير؟ بيثير الإحباط؟؟ ركز في كلامه هتلاقي الكلمات اللي قلنا عليها.. الكلمات السلبية على عكس الناس اللي الناس بتحب تتكلم معاهم.. فكر في واحد بتحب تتكلم معاه وبتستمتع بكده.. مبتسم؟ متفائل؟ بيهوّن على الناس اللي حواليه مشاكل الحياة؟ ركز في كلامه هتلاقي الكلمات اللي بنقول عليها: الكلمات الإيجابية