الأوسمة : 101 تاريخ التسجيل : 24/02/2011 الموقع : https://fatakat2.yoo7.com/forum
موضوع: أحاديث تذكرتها فحزنت على حالنا الجمعة يوليو 08, 2011 1:34 pm
السلام عليكم ورحمة الله وبركاته
جه على بالي أحاديث صحيحة عن الرسول صلى الله عليه وسلم افتكرتها وحزنت على حالنا وحسيت بعدها بفرق كبير بينا وبين الصحابيات بين بعض المسلمات اللي اتولدوا لقوا في البطاقة انهم مسلمات وبين المسلمات اللي حسوا بطعم الاسلام وحلاوته وترجموا ده لكل حاجة في حياتهم فارتقت نفوسهم وأصبحت تعاليم الاسلام فطرة عندهم
حسوا قد ايه الاسلام جعلهم غاليين ومش ممكن يرخصوا نفسهم بعد ما رفعهم الاسلام بتعاليمه لفوق
وعلشان كده حبيت أشارككم أفكاري وخواطري حول هذه الأحاديث
الحديث الأول : الحديث الذي في الصحيحين من حديث ابن عباس رضي الله عنهما أنه قال لعطاء: ألا أريك امرأة من أهل الجنة؟ قال: بلى، قال: هذه المرأة السوداء أتت النبي صلى الله عليه وسلم فقالت: إني أصرع وإني أتكشف فادع الله لي، قال: إن شئت صبرت ولك الجنة، وإن شئت دعوت الله أن يعافيك، قالت: أصبر، قالت: فإني أتكشف فادع الله أن لا أتكشف، فدعا لها.
سمعنا الحديث ده كتير وقرأناه أكتر
الحديث باختصار معناه إن امرأة كان يصيبها الصرع في عهد الرسول صلى الله عليه وسلم وكانت لما بيجي ليها حالة الصرع ممكن ملابسها تتحرك فيبان جزء منها و تتكشف . فراحت للرسول صلى الله عليه وسلم تطلب منه إنه يدعيلها ربنا يشفيها من الصرع علشان متتكشفش أمام الناس
سبحان الله مش هاممها المرض كل اللي يهمها إنها متتكشفش أمام الناس
يا ترى لو نزلت بلاد المسلمين دلوقتي وشافت المسلمات ماشيين في الشارع وهمه كاشفين رجلهم وايديهم وشعرهم بإرادتهم مش غصب عنهم كاشفين جسمهم وهمه فخورين باللي بيعملوه وحريصين عليه وفرحانين بيه يا ترى كانت هتقول ايه ؟
الحديث الثاني : قالت عائشة رضي الله عنها: "رحم الله نساء الأنصار، لما نزلت "يا أيها النبي قل لأزواجك وبناتك ونساء المؤمنين" الآية، شققن مروطهن فاعتجرن بها، فصلين خلف رسول الله صلى الله عليه وسلم كأنما على رؤوسهن الغربان". وفي رواية لها عند البخاري: "شققن مروطهن فاختمرن بها".
أخدتم بالكم من الجزء ده ؟ "شققن مروطهن "
ياه دول لما سمعوا الآية بتأمرهم بالحجاب مستنوش لغاية ما يخرجوا من بيتهم علشان يروحوا السوق ويشتروا حاجة يتحجبوا بيه
لأه دول مش زينا مش فارق معانا أوامر ربنا دول ازاي يتأخروا عن تطبيق أمر الله حتى ولو مش عندهم الحاجة اللي هيطبقوا بيها أمر الله
طيب هيعملوا ايه ؟ يجيبوا الملابس اللي عندهم في البيت ويقطعوها ويعملوها حجاب مش ممكن بعد ما أمرهم الله بالحجاب يخخرجوا من بيوتهم من غيره أبدا
ياترى لو خرجوا في بلادنا دلوقتي هيقولوا ايه على بنات المسلمين اللي سمعوا وقروا وعرفوا إن الحجاب فرض ومع ذلك خارجين من بيوتهم مش محجبات وعادي خالص ومش فارق معاهم إنهم خارجين بيعاندوا أمر الله وكأنه لا يعنيههم وكأن الأمر موجه لناس غيرهم مع إن الأمر صريح وكأنهم لم يسمعوا بأمر الله تعالى في سورة الأحزاب : " يا أيها النبي قل لأزواجك وبناتك ونساء المؤمنين يدنين عليهن من جلابيبهن ذلك أدنى أن يعرفن فلا يؤذين وكان الله غفورا رحيما "
هو انتي مش من ضمن نساء المؤمنين ولا أنا اللي بيتهيألي ؟
الحديث الثالث : عن ابن عمر رضي الله عنه عن النبي صلى الله عليه وسلّم قال: «من جر ثوبه خيلاء لم ينظر الله إليه يوم القيامة». فقالت أم سلمة فكيف يصنع النساء بذيولهن؟ قال: «يرخين شبراً». قالت إذن تنكشف أقدامهن!. قال: «فيرخينه ذراعاً ولا يزدن عليه». أخرجه النسائي والترمذي و أحمد و أبو داود، و صححه الألباني في سلسلة الأحاديث الصحيحة
يا سبحان الله همه دول النساء المسلمات بجد مش في البطاقة وخلاص نساء الحياء فطرة عندهم نساء الرسول صلى الله عليه وسلم بيقول ان اللي يطول ملابسه بحيث تجرجر في الأرض تكبرا لن ينظر الله اليه يوم القيامة تقوم أمنا أم سلمة ترد وتقول ايه تقول ازاي النساء هتمشي وأقدامهم باينه ؟ مينفعش أقدامنا تبان ( مش رجلينا وايدينا وشعرنا ) مشكلتها قدمها تبان معلقتش عن المعنى المطلوب من الحديث وهو التكبر لأه مسكت في موضوع تاني خالص مسكت في انها لو طبقت المعنى المراد يبقى هتقصر ثوبها علشان ميجرجرش في الأرض وتدخل في الوعيد اللي ظهر في الحديث لكن لو قصرته قدمها هتبان
ياه مش لا قية كلمة توصف الفرق بينا وبينهم بين ناس حريصة بفطرتها إنها تستر نفسها وناس بتحرص على إنها تكشف نفسها
يا ترى لو أم سلمه رضي الله عنها مشيت في شوارع المسلمين هتقول ايه ؟
وفي الختام أخواتي أنا غرضي من الكلام ده إننا نكون مسلمات بجد مسلمات ماشيين نقول للناس كلهم أيوه أنا مسلمة ومسلمة فخورة بديني مسلمة مش ممكن أفرط في ديني ولا حيائي مسلمة مش ممكن أسمع أمر الله وما أطبقوش
مين فينا ضامنة تخرج من بيتها وترجع تاني؟ هتقولي لربنا ايه لو متي وانتي مش محجبة حاولي تدوري على حجة بس خليكي على ثقة إن يوم القيامة مفيش قبول أي عذر فيه حساب وبس
_______________
سارة سرسور يعجبه هذا الموضوع
فراولة الرتبة : آنسة متميزة
الأوسمة : 132 تاريخ التسجيل : 28/06/2011
موضوع: رد: أحاديث تذكرتها فحزنت على حالنا السبت يوليو 09, 2011 7:02 am
الجمعة يوليو 08, 2011 1:34 pm
