الحلقة 26 من سمعتي كلام الحبيب؟ ....يالا نطبقه

الحلقة 26 :
( آداب الذهاب للسوق )

كل سنة وانتم طيبين
العيد قرب خلاص
ياترى اشتريتم ملابس العيد ولا لسه ؟
الحمد لله إني لحقتكم قبل ما تنزلوا تشتروها

عارفين إن في آداب المفروض تعملوها وانتم في السوق؟

انتي متعرفيش ولا إيه ؟

خدي عندك يا ستي

أول حاجة لازم تخلي بالك إنك ما تخرجيش وانتي متعطره
ففي الحديث " كل عين زانية ، والمرأة إذا استعطرت فمرت بالمجلس ، فهي كذا وكذا " . يعني : زانية رواه الترمذي

وكمان متلبسيش كعب عالي علشان بيعمل صوت هيلفت النظر ليكي
يقول تعالى : ( ولا يضربن بأرجلهم ليعلم ما يخفين من زينتهن )

ايه كمان يا جميل ؟
صح تمام الله يفتح عليكي

لا أمشي في نصف الطريق ،
يعني أمشي على جنب الطريق
عن أبي أسيد بن ثابت الأنصاري قال : قال صلى الله عليه وسلم : " استأخرن ؛ فإنه ليس لكن أن تحققن الطريق عليكن بحافات الطريق . فكانت المرأة تلتصق بالجدار ، حتى إن ثوبها ليتعلق بالجدار من لصوقها به " رواه أبو داود وحسنه الألباني

طيب ليه ده كله ؟
علشان متختلطش وهيه ماشية بالرجال

بس بالله عليكم شوفتوا حرص الصحابيات رضوان الله عليهن على تطبيق أمر الرسول صلى الله عليه وسلم؟
ليه أوامره عدم تنفيذها سهل علينا ؟

وإوعوا تعملوا زي ما بعض النساء بتعمل وتفضل تفاصل وتتكلم
مع البايع وتاخد وتدي وعلشان خاطري
والكلام اللي ملوش لازمة
يقول تعالى : (فَلا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ)

وكمان أكثري من الذكر وانتي في السوق
ففي الحديث " عبادة في الهرج و الفتنة كهجرة إلي "رواه مسلم
وهو في هرج زي السوق ؟

وكمان متنسيش حاجة مهمة
دعاء دخول السوق

عن ابن عمر رضي الله عنهما عن النبي صلى الله عليه وسلم قال: (من دخل السوق فقال: لا اله الا الله وحده لا شريك له له الملك وله الحمد يحيى ويميت وهو حي لا يموت بيده الخير وهو على كل شيء قدير. كتب الله له ألف ألف حسنة ومحا عنه ألف ألف سيئة ورفع له ألف ألف درجة و بنى له بيتا في الجنة) رواه أحمد والترمذي والحاكم وابن ماجه

شوفتي حاجة بسيطة تاخدي عليها ثواب كبير ازاي؟

في لسه اهم حاجة
مين هيقول ؟

معقولة محدش عارف ؟
مش قلنا قبل كده منضيعش العشر الآواخر ونحاول نخليهم للعبادة ؟
يبقى نخرج نشتري اللي عايزينه بسرعة ونرجع منقعدش نلف وندور
لأه
نخلي بالنا من الوقت مش عايزين يضيع على الفاضي
والشاطرة بقى اللي تكون واخده بالها من الموضوع ده وتشتري كل اللي عايزاه من قبل رمضان
معلش رمضان ده عدى بس من رمضان الجاي إذا ربنا أحيانا
نشتري كل حاجة قبلما يبدأ رمضان أحسن

وألف مبروك على الهدوم الجديدة
بس متنسيش وانتي بتلبسيها تقولي دعاء لبس الثوب الجديد
ففي الحديث
أن النبي صلى الله عليه وسلم كان إذا استجد ثوبا سماه باسمه عمامة أو قميصا أو رداء ثم يقول :" اللهم لك الحمد أنت كسوتنيه أسألك خيره وخير ما صنع له وأعوذ بك من شره وشر ما صنع له "

سلام