يمكن رمضان قرب يخلص كل سنة وانتم طيبين بس في حاجة اتعودنا عليها في رمضان كل يوم ويا بختك لو قدرتي تداومي عليه طول السنة عرفتم ايه هيه ؟
هغششكم المرة دي بس
قيام الليل قال صلى الله عليه وسلم : " أفضل الصيام بعد رمضان شهر الله المحرم وأفضل الصلاة بعد الفريضة صلاة الليل"رواه مسلم.
مش عايزة تشكري ربنا سبحانه وتعالى على نعمه ؟ عن عائشة رضي الله عنها قالت: " كان النبي يقوم من الليل حتى تتفطر قدماه. فقلت له: لِمَ تصنع هذا يا رسول الله، وقد غُفر لك ما تقدم من ذنبك وما تأخر؟ قال: أفلا أكون عبداً شكوراً؟ " متفق عليه.
انتي مش عارفة إن شرف المؤمن في قيام الليل ؟ قال صلى الله عليه وسلم في الحديث الذي حسنه الألباني : " أتاني جبريل ، فقال : يا محمد ! عش ما شئت فإنك ميت ، وأحبب من شئت فإنك مفارقه ، واعمل ما شئت فإنك مجزي به ، واعلم أن شرف المؤمن قيامه بالليل ، وعزه استغناؤه عن الناس "
ياه على اللذة اللي بتحسيها وانتي واقفة بالليل بتصلي والدنيا ساكته والناس نايمة وانتي واقفة قدام ربنا سبحانه وتعالى بتصلي وتدعي وتسألي الله من فضله جربي ومش هتندمي
طيب نصليها ازاي؟
هنصليها ركعتين ركعتين لقول النبي صلى الله عليه وسلم: " صلاة الليل مثنى مثنى فإذا خشي أحدكم الصبح صلى ركعة واحدة توتر له ما قد صلى" متفق على صحته
وممكن تصليها من بعد صلاة العشاء إلى طلوع الفجر بس الأحسن تأخريها لو هتقدري تقومي مش هتقدري يبقى صليها قبل ما تنامي خلينا في المضمون قال النبي صلى الله عليه وسلم: " من خاف ألا يقوم من آخر الليل فليوتر أوله ومن طمع أن يقوم في آخر الليل فليوتر آخر الليل فإن صلاة آخر الليل مشهودة وذلك أفضل"رواه مسلم
طيب وعدد ركعاتها ؟ الغالب الرسول صلى الله عليه وسلم كان بيصليها 11 ركعة عن عائشة رضي الله عنها : أن النبي صلى الله عليه وسلم ما كان يزيد في رمضان ولا غيره على إحدى عشرة ركعة. متفق عليه. لكن لو حبيتي تزودي مفيش مشكلة صلي ولا حرج مش قلنا إن الرسول صلى الله عليه وسلم قال : "صلاة الليل مثنى مثنى فإذا خشي أحدكم الصبح صلى ركعة واحدة توتر له ما قد صلى " يبقى ما حددش عدد ركعات قبل الوتر عايزة تصلي 11 صلي عايزة 13 ركعة مفيش مشكلة عن ابن عباس رضي الله عنه. أن صلاة النبي صلى الله عليه وسلم ثلاث عشرة ركعة يعني بالليل رواه البخاري
عايزة تصليهم 23 برضه ممكن بس صلي يا ستي
واحدة شطورة مركزة هاتقول ايه ده هو مفيش تعارض بين الأحاديث مرة حديث يقول إن الرسول صلى الله عليه وسلم بيصلي 11 ركعة بس وحديث يقول 13 ركعة وبعدين تقولي كمان إننا ممكن نصلي أكتر من كده وكلهم بأحاديث صحيحة ؟ ولا مفيش حد مركز
مفيش تعارض بين الأحاديث يا جميل العلماء قالوا معنى " أن النبي صلى الله عليه وسلم ما كان يزيد في رمضان ولا غيره على إحدى عشرة ركعة " إن ده الغالب أو أكثر اللي الرسول صلى الله عليه وسلم كان بيصليه لكن أحيانا كمان كان بيصلي 13 ركعة والصحابة صلوا 23 ركعة بناء على الحديث اللي ذكرناه وقلنا إن الرسول مححدش فيه عدد ركعات
تمام كده اتفقنا إننا نفضل نصلي صلاة الليل حتى بعد رمضان ؟
نتقابل بكرة إن شاء الله
_______________
سارة سرسور يعجبه هذا الموضوع
Admin General manager
الأوسمة : 1186 تاريخ التسجيل : 13/02/2011 العمر : 23 الموقع : https://fatakat2.yoo7.com/
موضوع: رد: الحلقة 27 من سمعتي كلام الحبيب؟ ....يالا نطبقه الخميس سبتمبر 08, 2011 9:38 am
جزاك الله خيرا
_______________
منة الكريم الرتبة : آنسة متميزة
الأوسمة : 101 تاريخ التسجيل : 24/02/2011 الموقع : https://fatakat2.yoo7.com/forum
موضوع: رد: الحلقة 27 من سمعتي كلام الحبيب؟ ....يالا نطبقه الخميس سبتمبر 22, 2011 5:38 pm
جزانا واياكي
_______________
سارة سرسور مشرفة
الأوسمة : اللهم اغفر لي وأحسن خاتمتي 2226 تاريخ التسجيل : 09/01/2021 العمر : 35 الموقع : مصر - الغربية الحمد لله
موضوع: رد: الحلقة 27 من سمعتي كلام الحبيب؟ ....يالا نطبقه السبت يناير 23, 2021 3:49 am
_______________
جميع موضوعاتي وردودي هنا صدقة جارية لروح والدي أحمد ابن منيرة
الإثنين أغسطس 29, 2011 7:48 am
